| redline | თარიღი: ოთხშაბათი, 18.03.2009, 15:38 | შეტყობინება # 1 |
 Admin
ჯგუფი: Администраторы
შეტყობინებები: 1214
სტატუსი: Offline
| 
კალიფორნიელმა მეცნიერებმა შექმნეს ხელსაწყო, რომელიც საშუალებას მოგვცემს, თავიდან ავიცილოთ თავის ტკივილი წითელი ღვინის მიღების შემდეგ. პორტატიული ხელსაწყო სისხლში იმ ბიოგენური ამინების დონეს განსაზღვრავს, რომლებსაც წითელი ღვინო, ყველი, შოკოლადი შეიცავს. ამინები მათი მომწიფებისა და ფერმენტაციის პროცესში წარმოიქმნება. ერთ-ერთი პოპულარული თეორიის თანახმად, მგრძნობიარე ადამიანებში ეს ნივთიერებები თავის ტკივილს, წნევის ეპიზოდურ აწევასა და სხვა უსიამოვნო სიმპტომებს იწვევს.
მკვლევარებმა მოწყობილობა სხვადასხვა მარკის ღვინოში, ლუდსა და საკეში (იაპონური ბრინჯის არაყი) ორი სახის ბიოგენური ამინის - ჰისტამინისა და თირამინის - დონის განსაზღვრისთვის გამოიყენეს. აღმოჩნდა, რომ ამინები ყველაზე ნაკლები ლუდში ყოფილა. ჰისტამინი ყველაზე მეტია საკეში, თირამინი კი - წითელ ღვინოში. ამჟამად მკვლევარები ცდილობენ, ახალი მოწყობილობა ჯიბის კომპიუტერის ზომამდე შეამცირონ, რათა შესაძლებელი გახდეს მისი ტარება ღვინის ტესტირებისთვის. გარდა ამისა, მეცნიერები მოითხოვენ, ღვინის ეტიკეტზე მითითებული იყოს სასმელში ბიოგენური ამინების დონე. კენკრა და სპირტიანი სასმელები ალკოჰოლთან შერწყმა ხილსა და კენკრაში შემავალი ანტიოქსიდანტების მოქმედებას აძლიერებს. ხილისა და ალკოჰოლის კოქტეილების ეს სასარგებლო თვისება ამერიკელმა და ტაილანდელმა მეცნიერებმა აღმოაჩინეს.
სპირტიანი სასმლის მარწყვით ან მაყვლით შეზავებისას კენკრის შემადგენლობაში შემავალი ანტიოქსდიდანტების ეფექტი დაახლოებით სამჯერ იზრდება. ექსპერტი დიეტოლოგები მიიჩნევენ, რომ ასეთ ალკოჰოლურ სასმელს ნამდვილად შეუძლია გააძლიეროს ხილისა და ბოსტნეულის სასარგებლო თვისებები, თუმცა დასძენენ, რომ ვერც ერთი ანტიოქსიდანტი ვერ შეძლებს იმ ზიანის კომპენსირებას, რომელსაც ჯანმრთელობას ალკოჰოლური სასმლის ჭარბი მიღება აყენებს.
ავტორი: ნანა ხუცაიძე mkurnali.ge
|
| |
| |
