ვაშლებისადმი სწრაფვა გულის პრობლემებითაა განპირობებული
ამერიკელმა მეცნიერებმა დაადგინეს, რომ გარკვეული პროდუქტისადმი ძლიერი სურვილი მხოლოდ მომავალი დედებისთვის არაა დამახასიათებელი. ტეხასის უნივერსიტეტის მკვლევარები კარდიოლოგიურ კლინიკაში პაციენტებზე რიგი დაკვირვებების შედეგად მივიდნენ დასკვნამდე, რომ ვაშლები, რომელიც შეიცავს მინერალურ ნივთიერებებს, უბრალოდ აუცილებელია გულით ავადმყოფებისთვის.
მათივე ათქმით, ამ ხილისადმი სწრაფვა მიუთითებს ქოლესტერინის მაღალ დონეს ან გულის მხრივ პრობლემების გაჩენას. ამ შემთხვევაში ორგანიზმი თვითონ მიანიშნებს იმაზე, რაც მას სჭირდება. აღნიშნული ჭირვეულობა ძირითადად განპირობებულია ფიზიოლოგიური გარდაქმნებით. არაორსულებში ასეთი სურვილი წარმოადგენს ჯანმრთელობის მდგომარეობის ირიბ მახასიათებელს და შეიძლება კიდეც დაეხმაროს დიაგნოზის დასმას. როგორ აღნიშნავენ, ლიმონისადმი სწრაფვა ნაღვლის ბუშტისა და ღვიძლის შესაძლო პრობლემების მიმანიშნებელია, კომბოსტოსადმი მიდრეკილება - ნაწლავის პრობლემების, ხოლო ზეთისხილისადმი დიდი სიყვარული - ფარისებრი ჯირკვლის პრობლემების. ნაყინისადმი განსაკუთრებული სიყვარულის შემთხვევაში ყურადღება უნდა მიექცეს საყრდენ-მამოძრავებელი აპარატის მდგომარეობას.
