აშშ-ის მეცნიერთა ჯგუფი კვლევაში აფასებდა ტრედმილზე მოსიარულე 100 ადამიანის ორგანიზმის ჯანგბადისადმი მოთხოვნილებას. მეცნიერებმა კვლევის შედეგები გამოაქვეყნეს ჟურნალში American Journal of Preventive Medicine.
აშშ-სა და დიდი ბრიტანეთის გაიდლაინები არწმუნებენ ადამიანებს კვირაში ხუთი დღის განმავლობაში ნახევარი საათის მანძილზე ზომიერი დატვირთვის მიღების აუცილებლობაში.
ხშირად გაურკვეველია, თუ რა წარმოადგენს ზომიერ დატვირთვას და მებაღეობის, სახლის მოვლის ან სიარულის რა ოდენობაა ჯანმრთელობისთვის სასარგებლო.
”დასაწყისისთვის საკმარისია 10 წუთში 1000 ნაბიჯით სიარული შემდგომი მატებით 30 წუთში 3000 ნაბიჯამდე” - ამბობს სან-დიეგოს უნივერსიტეტის მეცნიერი სიმონ მარშალი (Simon Marshall).
სან-დიეგოს უნივერსიტეტის მეცნიერები თავიანთ დასკვნებში ემყარებიან საშუალოდ 32 წლის ასაკის 97 ჯანმრთელ მოზრდილზე ჩატარებულ კვლევას.
როგორც ირკვევა, მამაკაცებში გულის ზომიერი ტრენირებისთვის საჭიროა წუთში 92-102 ნაბიჯით სიარული. ქალებისთვის ეს მაჩვენებელი შეადგენს 91-115 ნაბიჯს წუთში.
”ფიზიკური დატვირთვა ცხოვრების ჯანსაღი წესის აუცილობელი შემადგენელია, ხოლო სწრაფი სიარული - იდეალური საშუალება ფიზიკური აქტივობის დაწყებისთვის”- ამბობს სპორტული მედიცინის სპეციალისტი გარი დონოვანი (Gary O'Donovan).
მეცნიერები აღნიშნავენ, რომ კვლევები წარმოებდა ჯანსაღ ადამიანებზე და ამიტომ, ჯანმრთელობის პრობლემების ან ჯარბი წონის შემთხვევეში აუცილებელია სიარულის საკუთარი რითმის შერჩვა.

http://news.bbc.co.uk

2009.03.20