| redline | თარიღი: ოთხშაბათი, 29.04.2009, 21:57 | შეტყობინება # 1 |
 Admin
ჯგუფი: Администраторы
შეტყობინებები: 1214
სტატუსი: Offline
| ადრე ჩატარებული კვლევების ანალიზის შედეგად მეცნიერებმა დაადგინეს, რომ 40 წლამდე ასპირინის მოხმარება ამცირებს მომავალში კიბოს განვითარების რისკს.
ექსპერტთა თქმით, აღნიშნულ პერიოდში წამლის 10 წლის მანძილზე მიღება მაქსიმალურად ზრდის წამლის პრევენციულ პოტენციალს.
ასპირინის მიღებას უკავშირებენ როგორც კიბოს რამდენიმე სახეობისა და გულის დაავადებების განვითარების რისკის შემცირებას, ასევე, წყლულებისა და შინაგანი სისხლდენის განვითარების რისკის მატებასაც.
გაერთიანებული სამეფოს კიბოს კვლევის ცენტრის სტატია გამოქვეყნდა ჟურნალში “Lancet Oncology”.
ასპირინი ახდენს იმ პროტეინების ეფექტის ბლოკირებას, რომელიც იწვევს ანთებითი პროცესების პროვოცირებას და დიდი რაოდენობითაა ნანახი ზოგიერთი სახეობის კიბოს შემთხვევაში.
ადრე ჩატარებული კვლევების მიხედვით, ასპირინის მოხმარების შემთხვევაში უფრო ნაკლებად სავარაუდოა მომავალში ნაწლავის, სარძევე ჯირკვლის და სხვა ტიპის კიბოს განვითარება. მიუხედავად ამისა, ასპირინის რეგულარული გამოყენებაკიბოს პრევენციის მიზნით რეკომენდებული არ იყო გვერდითი მოვლენების განვითარების რისკის გამო.
კიბოს ისეთი გავრცელებული ტიპები, როგორიცაა პროსტატის, სარძევე ჯირკვლისა და ნაწლავის კიბო, ვითარდება ძირითადად 60 წლის ასაკის შემდეგ, როდესაც ასპირინის მიერ გამოწვეული სისხლდენის განვითარების რისკი ყველაზე მაღალია.
გაერთიანებული სამეფოს კიბოს კვლევის ცენტრის წამყვანი მკვლევარი პროფესორი ჯეკ კუზიკი (Jack Cuzick) აღნიშნავს, რომ პრეკანცეროგენული დაზიანებების განვითარება იწყება 40-დან 50 წლამდე შუალედში, ამიტომ ასპირინის მიღება ამ პერიოდისთვის შეიძლება იყოს საუკეთესო სტრატეგია დაავადების სრული გამოვლენის დროს განვითარებული დაზიანებების პროგრესის პრევენციისთვის. ამავე დროს, შეიძლება გამოვლინდეს გვერდითი მოვლენების განვითარების უფრო ნაკლები რისკიც, ვიდრე ასპირინის მიღებისას 15-20 წლის შემდეგ.
მეცნიერების თქმით, ასპირინის რეგულარული მოხმარების რეკომენდაციისთვის ჯერ საჭიროა შემდგომი კვლევების ჩატარება ადამიანების იმ ნაწილის იდენტიფიკაციისთვის, რომლებსაც აღენიშნებათ კიბოს განვითარების მაღალი რისკი გვერდითი ეფექტების განვითარების დაბალ რისკთან ერთად და რომელთათვისაც ასპირინის მიღებას სასურველი ეფექტი ექნება. გარდა ამისა, ასევე საინტერესოა პროფილაქტიკური ეფექტისთვის ასპირინის მინიმალური დოზის დადგენაც. http://news.bbc.co.uk 2009.04.29
|
| |
| |
