ჯანმრთელობის მსოფლიო ორგანიზაციის განცხადებით, H1N1 ვირუსი ჯერ-ჯერობით სტაბილურია და მისი სხვა ვირუსებთან შერევის არანაირი ნიშანი არ არსებობს.
ჯანდაცვის ზოგიერთი სპეციალისტი პრობლემურად თვლის ღორის გრიპად წოდებული H1N1 გრიპის ყველაზე მომაკვდინებელ H5N1 ფრინველის გრიპთან კომპინირების შესაძლებლობას, რაც პანდემიას ბევრად უფრო აგრესიულს გახდის.
“ვირუსი ჯერ-ჯერობით სტაბილურია,” - ამბობს ჯანმოს გენერალური დირექტორი მარგარეტ ჩენი. მაგრამ, მისივე თქმით, გასათვალისწინებელია გრიპის ვირუსის უზარმაზარი პოტენცია მუტაციისთვის და მასთან დაკავშირებული წინასწარგანუჭვრეტელი შედეგები. ვირუსი საჭიროებს მჭიდრო მონიტორინგს, რათა არ მოხდეს მუტაციის მხედველობიდან გამორჩენა.
დოქტორი მარგარეტ ჩენი აღნიშნავს, რომ მათთვის მნიშვნელოვანია ვირუსების აქტივობის ცოდნა H1N1, H5N1 და სეზონური ვირუსების ხელახალი სორტირების დასადგენად, თუმცა ამჟამად ამის შესახებ არანაირი სიგნალი არ არსებობს.
ინფექციის პრევენციისთვის და რისკის შემცირებისთვის დიდი ყურადღება ექცევა ანტივირუსულ საშუალებებისა და ვაქცინების წარმოებას, თუმცა ასევე მნიშვნელოვანია არაფარმაცევტული ზომების განხორციელება, რომელიც ძალიან ეფექტურია. არსებობს ძალიან მარტივი მეთოდები, რომლის პროფილაქტიკის მიზნით დაცვა შეუძლია თითოეულ ინდივიდს: მოწევაზე უარი, საკმარისი დასვენების უზრუნველყოფა, ბალანსირებული დიეტა იმუნიტეტის მაღალი დონის შენარჩუნებისთვის და წყლითა და საპნით ხელების ხშირი დაბანა.
დაინფიცირების შემთხვევაში აუცილებელია ექიმთან ვიზიტი. Guy Faulconbridge
http://www.reuters.com medportaal.ge
2009.06.26
