ალცჰეიმერის დაავადების ადრეული გამოვლენა - ფორუმი
პარასკევი, 09.12.2016, 22:20
მოგესალმები სტუმარი | რეგისტრაცია | შესვლა

medic

ალცჰეიმერის დაავადების ადრეული გამოვლენა - ფორუმი

[ ახალი შეტყობინებები · მონაწილეები · ფორუმის წესები · ძებნა · RSS ]
გვერდი 1 დან1
ფორუმი » ზოგადი » სამედიცინო სიახლეები » ალცჰეიმერის დაავადების ადრეული გამოვლენა
ალცჰეიმერის დაავადების ადრეული გამოვლენა
redlineთარიღი: შაბათი, 27.06.2009, 18:39 | შეტყობინება # 1
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline

შვედმა მკვლევარებმა დაადგინეს, რომ შესაძლებელია იმ პაციენტების განსაზღვრა, რომელთაც აღენიშნებათ ალცჰეიმერის დაავადებისა და მასთან ასოცირებული დემენციის განვითარების მაღალი რისკი, იმ შემთხვევაშიც კი, როდესაც მახსოვრობის მხრივ მინიმალურ გაუარესებას აქვს ადგილი.
ალცჰეიმერის დაავადება ერთ-ერთი ყველაზე გავრცელებული დაავადებაა, რომლის ახალი შემთხვევების რიცხვი ყოველწლიურად მატულობს. იგი გამოწვეულია თავის ტვინის უჯრედების მძიმე დაზიანებით და უპირატესად ვლინდება მახსოვრობის დაქვეითებით. ეს დაავადება ხშირად ნაადრევი სიკვდილის მიზეზია.
“რაც უფრო ადრე ხდება დაავადების გამოვლენა, მით მეტია პაციენტისთვის დახმარების აღმოჩენის შანსი. დაავადება პროგრესირებს ნელა და დღესდღეობით ხელმისაწვდომ ფარმაცევტულ საშუალებებს შეუძლია მხოლოდ სიმპტომების შემსუბუქება”, - ამბობს კვლევის ხელმძღვანელი კეი ბლენოუ (Kaj Blennow).
ბოლო წლებში გამოვლენილია რამდენიმე ბიომარკერი, რომელიც წარმოადგენს პროტეინს, რომლის აღმოჩენა ხდება ცერებროსპინალურ სითხეში და იძლევა ალცჰეიმერის დაავადების დიაგნოსტირების საშუალებას. ბიომარკერების ტიპიური ნიმუში სახელწოდებით "CSF AD პროფილი" შეიძლება აღმოჩენილი იყოს იმ პაციენტების ცერებროსპინალურ სითხეში, რომელთაც აღენიშნებათ ძალზედ მცირედი ცვლილებები მახსოვრობის მხრივ და დაავადების სადიაგნოსტიკო სხვა ტესტები, ჩვეულებრივ, უარყოფითია.
“პაციენტების ცერებროსპინალურ სითხეში ბიომარკერების პროფილის ტიპიური ცვლილებების შემთხვევაში რისკი 27-ჯერ მეტია საკონტროლო ჯგუფთან შედარებით. გარდა ამისა, მახსოვრობის მხრივ ზომიერი ცვლილებების მქონე ყველა პაციენტის შემთხვევაში, რომელთაც შემდგომში განუვითარდათ ალცჰეიმერის დაავადება, აღინიშნებოდა ბიომარკერების ზ.ა. პროფილის არსებობა ცერებროსპინალურ სითხეში”, - ამბობს კეი ბლენოუ.
მეცნიერებმა ასევე დაადგინეს კავშირი ბიომარკერების პროფილსა და დაავადების სხვა ტიპიურ ნიშნებს შორის, როგორიცაა APOE e4 გენის არსებობა და ჰიპოკამპის ატროფია, რომელიც წარმოადგენს მახსოვრობის მაკონტროლებელ თავის ტვინის ქერქის უბანს.
კეი ბლენოუს თქმით, მათი აღმოჩენით შესაძლებელია ალცჰეიმერის დაავადების ძალზედ ადრეულ პერიოდში დადგენა, რასაც განსაკუთრებული მნიშვენელობა აქვს ახალი ტიპის ფარმაცევტული საშუალებების შემთხვევაში, რომელიც ანელებს დაავადების პროგრესირებას და მისი გამოყენება შესაძლებელი ხდება თავის ტვინში უმძიმესი ცვლილებების განვითარების დაწყებამდე.

http://www.elements4health.com medportal.ge

2009.06.26

 
ფორუმი » ზოგადი » სამედიცინო სიახლეები » ალცჰეიმერის დაავადების ადრეული გამოვლენა
გვერდი 1 დან1
ძებნა:

RSS

შესვლის ფორმა

სტატისტიკა

baner

Бесплатные медицинские книги

call me

My status