ეგულარული ფიზიკური ვარჯიში სასარგებლოა ართრიტით დაავადებულთა - ფორუმი
სამშაბათი, 06.12.2016, 22:50
მოგესალმები სტუმარი | რეგისტრაცია | შესვლა

medic

ეგულარული ფიზიკური ვარჯიში სასარგებლოა ართრიტით დაავადებულთა - ფორუმი

[ ახალი შეტყობინებები · მონაწილეები · ფორუმის წესები · ძებნა · RSS ]
გვერდი 1 დან1
ფორუმი » ზოგადი » სამედიცინო სიახლეები » ეგულარული ფიზიკური ვარჯიში სასარგებლოა ართრიტით დაავადებულთა
ეგულარული ფიზიკური ვარჯიში სასარგებლოა ართრიტით დაავადებულთა
redlineთარიღი: შაბათი, 23.01.2010, 16:06 | შეტყობინება # 1
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
ართრიტით გამოწვეული სახსრების ტკივილი, განსაკუთრებით, ეს ეხება მუხლის სახსრებს, არ წარმოადგენს მიზეზს ფიზიკური ვარჯიშის შესაწყვეტად, თვლიან ამერიკელი ფიზიოლოგები მეიოს კლინიკიდან.
მათი აზრით, რეგულარული, ზომიერი და დაბალი ინტენსივობის ვარჯიში და დატვირთვა ართრიტით დაავადებულ ადამიანებში აუმჯობესებს სამოძრაო ფუნქციებს და ძალას მატებს კუნთებს, ასევე აუმჯობესებს გუნებ-განწყობას, ხელს უწყობს ნორმალურ ძილს და ენერგიის სწორად განაწილებას. ექიმების მტკიცებით, ყოველდღიური ფიზიკური აქტივობის შემთხვევაში შეიძლება მნიშვნელოვნად შემცირდეს ტკივილი სახსრებში.
როდესაც ადამიანი თავს არიდებს მოძრაობას და ეჩვევა ნაკლებად მოძრავ ცხოვრების წესს, სახსრები ხდება ნაკლებად მობილური, ხოლო მათთან მიმდებარე კუნთები იკუმშება, რაც იწვევს ტკივილს და მომატებულ დაღლილობას. როგორც ორთოპედები ამბობენ, ართრიტიანი პაციენტებისათვის გადამწყვეტია უსაფრთხო, ჯანმრთელობის მდგომარეობასთან ადაპტირებული და შესატყვისი დატვირთვისა და გამძლეობის ვარჯიშების არჩევა. მედიკოსები მათ ურჩევენ მოქნილობაზე და სახსრებში მოძრაობის გაზრდაზე გათვლილ ეფექტურ და სასარგებლო ვარჯიშებს, როგორიცაა მაგ. იოგას ან ტაი-ჩის სისტემის ვარჯიშები, რომელთა შესრულებაც უმჯობესია საღამოს საათებში, რათა დილით ავადმყოფმა გაიღვიძოს ტკივილის გარეშე. ასევე გამოსადეგია დაბალი ინტენსივობის ფიზიკური ვარჯიში, როგორიცაა წყლის აერობიკა, ცურვა, ველოსიპედით სეირნობა, ქვეითი ტურიზმი და სარბენი ბილიკების გამოყენება, ასევე ელიფსური ტრენაჟორები, რომლებიც სასარგებლოა ფიტნესისათვის მოსამზადებლად, საერთო ფიზიკური გამძლეობისა და კუნთების მუშაობის გასაუმჯობესებლად. ძალისმიერი ტრენინგი ესპანდერებით, შედარებით მსუბუქი ხელის გირებით და ჰანტელებით ხელს უწყობს სახსრების ფუნქციის შენარჩუნებას. თარაპევტები ასევე ურჩევენ ასეთ ავადმყოფებს, დაკავდნენ ყოველდღიური ფიზიკური საქმიანობით, როგორიცაა სახლის დალაგება ან ბაღჩაში მუშაობა, რაც ასევე ამაგრებს სახსრებს.

კლინიცისტები ხაზგასმით გვაფრთხილებენ, რომ ართრიტით დაავადებული ადამიანებისათვის უკუნაჩვენებია მაღალი ინტენსივობის ვარჯიშები, რომლებსაც შეუძლიათ მდგომარეობის გააუარესება და ტკივილის გაძლიერება. სწორედ ამიტომ, ვარჯიშის დაწყებამდე სასურველია წინასწარ სპეციალისტთან კონსულტაციის გავლა. ვარჯიში უნდა შეწყდეს, თუკი ადგილი აქვს სახსრებში ტკივილის ან შეშუპების გაძლიერებას, ან თუკი ის იწვევს მუცლის, გულმკერდის ან საზარდულის მიდამოს ტკივილს ან ძლიერ ქოშინს.

http://Ami-tass.ru

2010.01.22
medportal.ge

 
ფორუმი » ზოგადი » სამედიცინო სიახლეები » ეგულარული ფიზიკური ვარჯიში სასარგებლოა ართრიტით დაავადებულთა
გვერდი 1 დან1
ძებნა:

RSS

შესვლის ფორმა

სტატისტიკა

baner

Бесплатные медицинские книги

call me

My status