საუკეთესო მეთოდები მოწყენილობის თავიდან მოსაშორებლად - ფორუმი
სამშაბათი, 06.12.2016, 22:50
მოგესალმები სტუმარი | რეგისტრაცია | შესვლა

medic

საუკეთესო მეთოდები მოწყენილობის თავიდან მოსაშორებლად - ფორუმი

[ ახალი შეტყობინებები · მონაწილეები · ფორუმის წესები · ძებნა · RSS ]
გვერდი 1 დან1
ფორუმი » ზოგადი » ფსიქოლოგის კონსულტაცია » საუკეთესო მეთოდები მოწყენილობის თავიდან მოსაშორებლად
საუკეთესო მეთოდები მოწყენილობის თავიდან მოსაშორებლად
redlineთარიღი: სამშაბათი, 14.04.2009, 19:09 | შეტყობინება # 1
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline

ადამიანის ტვინი გამუდმებით ახალ შეგრძნებებს მოითხოვს და როცა მათ უკმარისობას განიცდის, ენთუზიაზმი, მხნეობა და ენერგია ნელ–ნელა უქრება. ჩნდება მნოწყენილობა, ან უფრო უარესი – დეპრესია. ადამიანს არ სურს წავიდეს მეგობრების შესახვედრად, რადგან ეზარება მოწესრიგება, მაკიაჟის გაკეთება, ტანსაცმლის დაუთოება და ა.შ. ტელეპროგრამაში არ აინტერესებს არცერთი გადაცემა, კომპოუტერი კი უსარგებლო ნივთად იქცევა. სახლი დასალაგებელია. მოწყენილობას იწვევს ყველაფერი და ადამიანი გაღიზიანებული ხდება. არავითარი დადებითი ემოცია. რა უნდა ქნათ ამ შემთხვევაში?

უბრალოდ წარმოიდგინეთ, თუ როგორ ატარებდნენ დროს დიდგვაროვანი ქალბატონები ერთი–ორი საუკუნის წინ? მათი ყოველი შემდეგი დღე იგივენაირი იყო, როგორიც წინა. ისინი ლოცულობდნენ, ქარგავდნენ, უკრავდნენ ფორტეპიანოზე და წერდნენ სასიყვარულ;ო წერილებს საქმროებს, კითხულობდნენ წიგნებს და საუბრობდნენ ცხოვრებაზე, აწყობდნენ მიღების საღამოებს და იღებდნენ სტუმრებს. ამასთან, ისინი არ სწავლობდნენ უნივერსიტეტებში(იმ გაგებით, როგორც ჩვენ გვესმის), არ დადიოდნენ სამსახურში და მით უმეტეს არ ქონდათ ტექნიკის ისეთი საოცრება, როგორიც კომპიუტერია და კიდევ უფრო დიდი სასწაული – როგორიც ინტერნეტია.

მოწყენილობისაგან ყველაზე მთავარი მაშველია – მოძრაობის დაწყება. ეს მექანიზმი გავს იმას, თუ როგორ ეშვებით ხმაურიან მდინარეში და შემდეგ მასთან ერთად მიექანებით გიჟური სისწრაფით. ასე რომ, დაიწყეთ მოძრაობა. რა თქმა უნდა, აქ ლაპარაკი არ არის ქაოტურ გადაადგილებაზე ერთი ოთახიდან მეორეში, მაცივრიდან ტელევიზორამდე ან სააბაზანოდან დივნამდე. დასძლიეთ საკუთარ თავს და დაურეკეთ მეგობარს, დაუთქვით შეხვედრა. ან გამოყარეთ კარადიდიან ყველაფერი და დაალაგეთ იგი. მოკლედ, მთავარია – ბიძგი მისცეთ მოძრაობას.
რაიმე უჩვეულო საქმიანობის მოგონაბა საკუთარი თავისათვის სინამდვილეში არც ისე ადვილია. აი ერთი იდეა: მოაწყვე მეგობრებთან თემატური შეხვედრა, აირჩიეთ რაიმე ერთი თემა, რომელსაც წინასწარ ყველა თავისთვის მოამზადებს და შეხვედრისას შეგიძლიაღ ამ თემაზე არა მარტო ბევრი იჭორაოთ, არამედ ბევრი საინტერესოც გაიგოთ.
წადით ექსკურსიაზე. მადლობა ღმერთს, საქართველოში იმდენი ადგილია დასათვალიერებელი და შესასწავლი, შესაძლოა რამდენიმე წელიც არ გეყოთ. მოინახულეთ ისტორიული ადგილები, ისტორიული ძეგლები, ან უბრალოდ, ბუნება. გაიკითხეთ, თუ სად ტარდება ამ დროისათვის არქეოლოგიური გათხრები და თუ ეს სფერო გაინტერესებთ, შეგიძლიათ თავად მიიღოთ მონაწილეობა მასში. მოკლედ, არჩევანი თქვენზეა.
თუ სპორტით არ ხართ დაკავებული, შეგიძლაით სცადოთ. ვინ იცის რა შეიძლება გამოვიდეს აქედან? შეგიძლიათ ასევე ესტუმროთ საცეკვაო სტუდიებს, სადაც ასაკიან ხალხსაც კი ასწავლინ ცეკვას. თუ გერიდებათ, უბრალოდ არავის არაფერი უთხრათ ამის შესახებ.
– თუ ინტერნეტი არ გაქვთ, შეიძინეთ დისკი ფილმით, რომლის ნახვაც დიდი ხანია გინდათ, ან სულაც კინო შედევრების მთელი კოლექცია, რომლებიც შევიდნენ ადამიანის ისტორიაში 100 საუკეთესო ფილმის სახელით.
ისეთი საქმიანობა იპოვეთ, რომელიც ხელს შეგიწყობთ განვითარებაში.
სცადეთ დახატოთ. ხელოვნების შედევრს თქვენგან არავინ ელოდება. დაე სურათი აჭრელებული იყოს. თვითონ პროცესი რომ არ გახდეს მოსაწყენი, არ ისარგებლოთ გამჭვირვალე აკვარელებით და ჩამხმარი გუაშებით, ასევე წვრილი ფუნჯითა და ფერადი ფანქრებით. თქვენ დაგჭირდებათ საშუალო ზომის ქაღალდი, ზეთის საღებავები და პალიტრა. ხატეთ ხელებით, გადმოანთხიეთ თქვენი ემოცია და დატკბით პროცესით.
მოწყენილობის ერთ–ერთი მიზეზი – მონოტონურობაა, უინტერესო სამუშაო. ადამიანი იშვიათად იღლება და იწყენს, როცა რაიმე საინტერესოთია დაკავებული. რა თქმა უნდა, ყველას არ შეუძლია დღეში 9 საათი დაკავებული იყოს იმ საქმით, რაც ყველაზე ძალიან აინტერესებს, მაგრამ საკუთარი თავისათვის აუცილებლად იპოვეთ სტიმული. მაგალითად, გაყავით დრო სადილამდე და სადილის შემდეგ. დაიმახსოვრეთ, რომ რაც უფრო მეტ საქმეს მოასწრებთ სადილამდე, მით მეტი დრო დაგრჩებათ სადილის შემდეგ. ეს კი იმას ნიშნავს, რომ სამუშაო მომენტებშიც შეგეძლებათ დაკავდეთ პირადი საქმით, გაერთოთ ინტერნეტით მეგობრებში ან უბრალოდ საინტერესო სტატია წაიკითხოთ.

მაგრამ თუ ხვდებით, რომ ქალბატონმა მოწყენილობამ მტკიცედ ჩაგავლოთ ხელი, ეცადეთ რაც შეიძლება სწრაფად მოიშოროთ იგი, რადგან ამ მდგომარეობას მოაქვს დისკომფორტის შეგრძნება და ახდენს ღორმუცელობის, დეპრესიის, მტრობის, ალკოჰოლისა და თამბაქოსაკენ მიდრეკილების პროვოცირებას. მოკლედ, აუცილებლად და სასწრაფოდ დაიწყეთ მოძრაობა ამ უღიმღამო ცხოვრებისეული მომენტისაგან თავის დასაღწევად!
Lady.ge

 
ფორუმი » ზოგადი » ფსიქოლოგის კონსულტაცია » საუკეთესო მეთოდები მოწყენილობის თავიდან მოსაშორებლად
გვერდი 1 დან1
ძებნა:

RSS

შესვლის ფორმა

სტატისტიკა

baner

Бесплатные медицинские книги

call me

My status