ორსულობის პერიოდი - ფორუმი
პარასკევი, 09.12.2016, 22:20
მოგესალმები სტუმარი | რეგისტრაცია | შესვლა

medic

ორსულობის პერიოდი - ფორუმი

[ ახალი შეტყობინებები · მონაწილეები · ფორუმის წესები · ძებნა · RSS ]
გვერდი 1 დან1
ფორუმი » ზოგადი » ორსულმა ეს უნდა იცოდეს » ორსულობის პერიოდი
ორსულობის პერიოდი
redlineთარიღი: კვირა, 06.12.2009, 11:13 | შეტყობინება # 1
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
ორსულობის პერიოდის, ნაყოფის ჩასახვის და განვითარების თავისებურებები ქალის ორგანიზმში

ორსულობის პერიოდი ჩვეულებრივ საკმაოდ რთული პერიოდია ქალის ცხოვრებაში და განსაკუთრებულ ყურადღებას მოითხოვს ქალის მხრიდან. ეს პირველ რიგში ეხება საკვები რაციონის სწორად შედგენას და ორგანიზმისთვის წყლის საკმაო ოდენობით მიწოდებას, რაც განსაკუთრებით მნიშვნელოვანია ორსულობის პერიოდში. ასევე გასათვალისწინებელია, რომ უმჯობესია ორსულმა ქალმა იკვებოს ხშირ-ხშირად და ცოტ-ცოტა ვიდრე იშვიათად და ბევრი, რათა მუცელზე დაწოლა გაანაწილოს. არასწორი კვება აცლის ნაყოფს აუცილებელ კალორიებს და მინერალებს, რამაც შეიძლება გამოიწვიოს დროზე ადრე მშობიარობა, ჩვილის ნორმაზე მცირე წონით დაბადება ან სხვა ჯანმრთელობის პრობლემები. ფეხმძიმეთათვის შესაბამისი ვარჯიშების კომპლექსი აადვილებს ორსულობას და ხელს უწობს საჭმლის გადამუშავების რეგულირებას. ალკოჰოლისა და სიგარეტის მოხმარება ქალის (ასევე მამაკაცის) მხრიდან ძალზე საშიშია ნაყოფისათვის და ხშირად არის უშვილობის გამომწვევი მიზეზი. ასევე უარყოფითად არის ნაჩვენები კოფეინი, ცხიმები, გარკვეული მედიკამენტები (მხოლოდ პირადი ექიმის კონსულტაციით შეიძლება მათი მიღება).

 
redlineთარიღი: კვირა, 06.12.2009, 11:13 | შეტყობინება # 2
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
რაც შეეხება დაფეხმძიმებას, ოვულაცია აუცილებელია დაფეხმძიმებისთვის. აქედან გამომდინარე, ქალს მხოლოდ შეზღუდული დროის შესაძლებლობები აქვს დაფეხმძიმებისთვის. და ეს არა მხოლოდ იმიტომ რომ ე.წ. ნაყოფიერი დღეების რაოდენობა შეზღუდულია, არამედ იმიტომ რომ ქალი შეიძლება არ ოვულირებდეს ყოველი მენსტრუაციული ციკლის განმავლობაში. ამიტომ განსაკუთრებით მნიშვნელოვანია, რომ სექსი დაემთხვეს ქალის ე.წ. ნაყოფიერი დღეების პერიოდს. ამიტომ არის რომ თუ ასაკსა და რეპროდუქციული სისტემის მდგომარეობას გამოვრიცხავთ, ზოგჯერ ახლად დაქორწინებულ ჯანმრთელ ახალგაზრდა ცოლქმარსაც კი ერთი წელი და მეტი შეიძლება დასჭირდეთ ჩასახვისათვის. ეს კი ყველაზე ხშირად იმ შემთხვევაში ხდება თუ მათ დროში ვერ დაამთხვიეს სქესობრივი ურთიერთობა ე.წ. ოვულაციის პერიოდს და შედეგად უწევდათ დალოდებოდნენ შემდგომ ნაყოფიერ პერიოდებს მომდევნო ციკლებში.
 
redlineთარიღი: კვირა, 06.12.2009, 11:14 | შეტყობინება # 3
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
სწორედ ამიტომ, ჩასახვა საჭიროებს სქესობრივი აქტის დროში სწორად დაგეგმვას და არა მხოლოდ სქესობრივ აქტს. ამიტომ ქალისათვის განსაკუთრებით მნიშვნელოვანია რომ შეეძლოს განსაზღვროს თუ როდის, რა პერიოდში ოვულირებს და შესაბამისად როდისაა ნაყოფიერი. ამის განსაზღვრის ერთ-ერთი მეთოდი საკმაოდ მარტივია: დაუშვათ რომ თქვენ ნორმალური “სტანდარტული” ციკლი გაქვთ, ე.ი. რეგულარული 28-დღიანი ციკლი. ათვლისათვის, უნდა მივიჩნიოთ თითოეული ციკლის დასაწყისად მენსტრუაციის პერიოდის (დაუშვათ 6 დღიანი) დაწყების პირველი დღე (და არა ბოლო). მაშინ თქვენი ყველაზე ნაყოფიერი დღეები დაახლოებით იქნება დღეები 12-დან 18-მდე თქვენი ერთი ციკლის განმავლობაში, რაც იმას ნიშნავს რომ თქვენი ციკლის მე-12 და მე-18 დღეებს შორის თქვენი ოვულაციის პერიოდია. ამის შემდეგ დასადგენია როდის არის სექსი ყველაზე ხელსაყრელი რათა გაიზარდოს ჩასახვის შანსები. თუ ჩავთვლით, რომ თქვენთვის ყველაზე მისაღები 12-18 პერიოდის შუალედია, მაშინ თქვენი და თქვენი ქმრის სექსუალური ურთიერთობისათვის ჩასახვის თვალსაზრისით საუკეთესო დღეებია 10-18-ს შუალედი. ალბათ გებადებათ კითხვა თუ რატომ მე-10 დღიდან დაწყებული თუ თქვენი ოვულაცია მე-12 დღეს იწყება. პასუხი იმაშია რომ მამაკაცის სპერმა საშუალოდ ცოცხლობს 72 საათის განმავლობაში მას შემდეგ რაც ქალის სხეულში მოხვდება. ამიტომ კარგი შანსები რომ გქონდეთ, თუ თქვენ ოვულირებთ თქვენი ციკლის მე-12 დღეს, თქვენ ჯობია დაიწყოთ სექსი უფრო ადრე, დაახლოებით მე-10 დღეს, ნაცვლად მე-12-სა.
 
redlineთარიღი: კვირა, 06.12.2009, 11:14 | შეტყობინება # 4
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
უფრო მარტივად, ოვულაცია ხდება მენსტრუაციული პერიოდის დადგომამდე 14 დღით ადრე და ამდენად ჩასახვისათვის მზაობა პიკს აღწევს ოვულაციის დღეს; ასევე ოვულაციის წინა 3-4 დღეც ხელშემწყობია ჩასახვისათვის, ისევე როგორც მომდევნო 3-4 დღე. იმისათვის რომ განსაზღვროთ როდის ოვულირებთ, გამომდინარე თქვენი ციკლის პარამეტრებიდან, შეგიძლიათ ისარგებლოთ ოვულაციის კალკულატორით.

მას შემდეგ რაც ჩასახვა მოხდა, წყვილებს შეუძლიათ ნებისმიერ დროს სურვილისამებრ იქონიონ სექსი მშობიარობის ბოლო მომენტამდე (დღესდღეობით უმეტესობა ექიმებისა ამის ნებას იძლევა), თუ სახეზე არ არის რაიმე გართულებები, მაგ. მოჭარბებული ვაგინალური სისხლდენა ან რაიმე სხვა გართულება. სხვაგვარად ბავშვი საშვილოსნოს კედლებში ფიზიკურად ძალიან კარგად არის დაცული და არც მამაკაცის ასოს ზომები, არც სქესობრივი აქტის პოზები არ არის ამ მხრივ რაიმე ზიანის მომტანი ნაყოფის განვითარებისათვის, ანუ ნაყოფი ვერასგზით ვერ დაზიანდება მიუხედავად იმისა თუ მერამდენე თვეშია ქალი (თუმცა ქალი სჯობია მოერიდოს გულაღმა ზურგზე წოლას ხანგრძლივი დროის განმავლობაში). გარდა ამისა, მამკაცის სპერმა ცნობილია რომ შეიცავს ჰორმონს პროსტგლანდინს რომელიც ხელს უწყობს და აჩქარებს მშობიარობას. ამიტომაც როდესაც მშობიარობა იგვიანებს, ექიმები ზოგჯერ ურჩევენ წყვილებს სექსი იქონიონ. თუმცაღა ამ მეთოდის ეფექტურობა დაზუსტებით არ შეიძლება ვირწმუნოთ რადგან მამკაცის მიერ გამოყოფილი ამ ჰორმონის ოდენობა ძალიან მცირეა იმისათვის რომ არსებითი გავლენა იქონიოს მშობიარობის დაჩქარების თვალსაზრისით.

 
redlineთარიღი: კვირა, 06.12.2009, 11:14 | შეტყობინება # 5
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
როგორც წესი ჩასახვის მანიშნებელი სიმპტომები (გაცდენილი პერიოდი, სუსტი სიმკვრივის მკერდი და მშრალი კერტები, თავბრუსხვევები, ხშირი შარდვა) ჩვეულებრივ იწყება ჩასახვის დღიდან არაუადრეს ორი კვირისა. ორსულ ქალებს ურჩევენ, რომ დაიძინონ გვერდზე მწოლიარემ, მაგალითად მარცხენა მხარეს, რამდენადაც ღვიძლს, რომელიც დიდი ორგანოა, უჭირავს მუცლის მარჯვენა ზედა მხარე.

ასევე ბუნებრივია როდესაც სხეულის ტემპერატურა ოდნავ ზევით იწევს ორსულობის დროს, რამეთუ ქალის სხეულში მეორე ცოცხალი არსება სუნთქავს, რომელიც თვითონ არის სითბოსა და ენერგიის წყარო. ორსული ქალის სხეული ზოგადად ძალიან დიდი დატვირთვის ქვეშაა, რამეთუ ის მზარდ პატარას ატარებს და საზრდოს აწვდის ყოველ დღე და ყოველ წამს. ამ კუთხით, ქალისათვის 10-15 კილოგრამის მომატებაც არ არის უჩვულო ან იშვიათი. ზოგჯერ პერიოდულად უნებლიე ლაქტაციამაც (რძის გამოყოფა) შეიძლება იჩინოს თავი, მათ შორის ორსულობის ადრეულ ეტაპებზეც რაც ასევე ნორმალურია. ასევე ნორმალურია სხეულში სპაზმები განსაკუთრებით მესამე ტრიმესტრში (ბოლო სამი თვე; 3-3-3 ტრიმესტრების განაწილება), რისი გამომწვევიც ზოგჯერ დეჰიდრაცია ანუ ორგანიზმში წყლის უკმარისობაა. ფეხმძიმობის პერიოდში საცვლებზე სისხლის მომცრო ლაქების შემჩნევაც ნორმალურია, რაც განსაკუთრებით ხშირია სექსის ან მასტურბაციის შემდგომ, თუმცა საგანგაშო არაფერია თუკი სისხლდენა მხოლოდ რამოდენიმე წვეთია და მომენტალური ხასიათი აქვს. ორგაზმის განცდის შემდგომ საშოს სპაზმებიც საკმაოდ ხშირია და უფრო მტკივნეულია ზოგიერთი ქალისათვის ვიდრე სხვებისათვის და მიუთითებს ქალის სხეულის ამაღლებულ მგრძნობიარობასა და ნორმალურ განვითარებაზე.

 
redlineთარიღი: კვირა, 06.12.2009, 11:14 | შეტყობინება # 6
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
ქალისათვის ორგაზმის განცდას სქესობრივი აქტის დროს, გარდა იმისა რომ მეუღლეებს ემოციურად აახლოებს და სიამოვნების მომგვრელია, გარკვეული ფიზიოლოგიური დატვირთვაც გააჩნია ჩასახვის თვალსაზრისით. კერძოდ, მართალია ქალს თავისუფლად შეუძლია დაორსულდეს ორგაზმის განცდის გარეშეც, ორგაზმის განცდა სქესობრივი აქტის დროს ზრდის ჩასახვის შანსებს, რადგანაც აძლიერებს საშოს შეკუმშვა-გაფართოების ციკლის ინტენსივობას, რაც თავის მხრივ აძლიერებს გამოყოფილი სპერმის “შეტუმბვას” ქალის სხეულში და ასევე უზრუნველყოფს საშოს კედლების მომატებულ სისველეს, რაც ნოყიერ ნიადაგს ქმნის და აადვილებს რომ სპერმამ გზა უკეთ “გაიკვლიოს” კვერცხუჯრედებისაკენ. თუკი განაყოფიერება მოხდა, განაყოფიერებული კვერცხუჯრედი საშვილოსნოს კედელს მიეკედლება და ამით ჩასახვის პროცესი იწყება. საერთოდ, სექსის შემდეგ შესაძლებელია ქალი 15-20 წუთით ზურგზე იწვეს, შესაძლებელია ზურგზე დაწოლილმა ფეხები ზევით გაშალოს (მაგ. კედელს მიაყრდნოს). ეს ხელს უწყობს სპერმის მიმართავს კვერცხუჯრედებისაკენ და ამით იზრდება განაყოფიერების შესაძლებლობა. ეს მეთოდი ნაჩვენებია რომ მცირედით ზრდის დაორსულების შანსებს, თუ რა თქმა უნდა რაიმე სერიოზული ჯანმრთელობის პრობლემა არ აქვს რომელიმე მხარეს. მაგრამ თუკი ქალმა ორგაზმი ვერ განიცადა და ქალი ვერ ორსულდება, ექიმები ზოგჯერ ესეთ შემთხვევებში ქალებს ურჩევენ თავადვე მასტურბირებით გამოიწვიონ ორგაზმი.

მას შემდეგ რაც ბავშვი ჩაისახა და ქალმაც იმშობიარა, რაც შეეხება მშობიარობის შემდგომ სიმპტომებს, მშობიარობის შემდგომ უახლოესი რამოდენიმე კვირის განმავლობაში ქალების უმრავლესობა გარკვეული დეპრესიის სიმპტომებს ამჟღავნებს, თუმცაღა მშობიარობის შემდგომი პერიოდი მთელი თავისი თანმდევი ფაქტორებით (წონის პრობლემა, დროებითი თმის ცვენა, კვება და სხეულის მოვლა თუ სხეულში მიმდინარე უამრავი ფიზიოლოგიური პროცესი) ცალკე განხილვის თემაა ამავე ვებ გვერდზე.

 
redlineთარიღი: კვირა, 06.12.2009, 11:15 | შეტყობინება # 7
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
თავად მშობიარობას რაც შეეხება, მშობიარობის ზუსტად დროის დადგენა შეუძლებელია (იხ. თემა: მშობიარობის წინა პერიოდი, მისი ეტაპები, სიმპტომები, კომფორტის ტექნიკა, აგრეთვე მშობიარობის შემდგომ ქალის და ჩვილის შესაძლო ფიზიკური სიმპტომები რომლებიც ყურადსაღებია და ექიმის კონსულტაციას მოითხოვს). თუმცა რისი თქმაც დანამდვილებით შეიძლება არის ის, რომ ორსულობა მართალია თავიდან ხანგრძლივ პროცესად მოსჩანს, ბავშვის დაბადების მოლოდინით გამოწვეული სიხარული იმდენად დიდია რომ ის უფრო ადრე მთავრდება ვიდრე ეს ქალს ჰგონია!

მოამზადა ნინიმ
http://www.reprodjan.bravehost.com/orsulobas.htm

 
ფორუმი » ზოგადი » ორსულმა ეს უნდა იცოდეს » ორსულობის პერიოდი
გვერდი 1 დან1
ძებნა:

RSS

შესვლის ფორმა

სტატისტიკა

baner

Бесплатные медицинские книги

call me

My status