პარასკევი, 29.03.2024, 16:30
მოგესალმები სტუმარი | რეგისტრაცია | შესვლა

medic

სარძევე ჯირკვლის კიბო - ფორუმი

[ ახალი შეტყობინებები · მონაწილეები · ფორუმის წესები · ძებნა · RSS ]
  • გვერდი 1 დან
  • 1
ფორუმი » ზოგადი » ონკოლოგია » სარძევე ჯირკვლის კიბო
სარძევე ჯირკვლის კიბო
redlineთარიღი: სამშაბათი, 24.02.2009, 17:22 | შეტყობინება # 1
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
რა ვიცით სარძევე ჯირკვლის კიბოს შესახებსარძევე ჯირკვლის კიბო ძირითადად ქალთა დაავადებას წარმოადგენს, თუმცა, ამ დაავადებათაგან ერთი პროცენტი მამაკაცებშიც აღინიშნება.
სარძევე ჯირკვლის კიბოთი დაავადების რისკი ასაკის მატებასთან ერთად იზრდება, განსაკუთრებით, 50 წელს ზემოთ.
ყველა ქალი ატარებს სარძევე ჯირკვლის კიბოთი დაავადების რისკს.
ჯანსაღი ცხოვრების წესი მნიშვნელოვნად ამცირებს კიბოთი დაავადების რისკს.
სარძევე ჯირკვლის კიბოს ადრეული დიაგნოსტიკა გაცილებით ზრდის მისი მკურნალობის შანსს.
კიბოს ადრეულ ეტაპზე გამოვლენის საუკეთესო გზას მკერდის რეგულარული სკრინინგი წარმოადგენს.

რატომ უნდა გავიკეთოთ სარძევე ჯირკვლის სკრინინგი?
სკრინინგი სარძევე ჯირკვლებში რაიმე ცვლილების გამოვლენის საშუალებას წარმოადგენს.
მკერდის სკრინინგი მოიცავს მკერდის რენტგენს (მამოგრამა), ექიმის მიერ სარძევე ჯირკვლების სამედიცინო შემოწმებას და სარძევე ჯირკვლების თვით შემოწმებას.
რეგულარული სკრინინგი, რაიმე ცვლილების ადრეულ სტადიაზე გამოვლინების შესაძლებლობაა.

 
redlineთარიღი: სამშაბათი, 24.02.2009, 18:26 | შეტყობინება # 2
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
რეკომენდაციები

40-49 წლის ასაკის ქალებისათვის:

ყოველთვიურად ჩაიტარეთ სარძევე ჯირკვლების თვითშემოწმება.
ექიმის დახმარებით ყოველწლიურად ჩაიტარეთ სარძევე ჯირკვლების სამედიცინო შემოწმება.
მიმართეთ თქვენს პირად ექიმს თქვენი მამოგრამის თაობაზე.
50 წლის და მეტი ასაკის ქალებისათვის:

ყოველ ორ თვეში ერთხელ ჩაიტარეთ მამოგრაფია ან რენდგენოგრაფია
ექიმის დახმარებით ყოველწლიურად ჩაიტარეთ სარძევე ჯირკვლების სამედიცინო შემოწმება
ყოველთვიურად ჩაიტარეთ სარძევე ჯირკვლების თვით შემოწმება

ყველა ასაკის ქალმა უნდა იცოდეს საკუთარი მკერდის მდგომარეობა სამედიცინო თვალსაზრისით და წელიწადში ერთხელ ჩაიტაროს სამედიცინო შემოწმება სათანადო პროფილის ექიმთან.

 
redlineთარიღი: სამშაბათი, 24.02.2009, 18:27 | შეტყობინება # 3
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
მკერდის სიმაგრე

ქალთა უმეტესობისათვის სარძევე ჯირკვლის კიბოს პირველ სიმპტომს ერთ-ერთ ძუძუში სიმაგრეების წარმოქმნა წარმოადგენს. სიმაგრეთა უმრავლესობა, 10-დან 9 შემთხვევა არ გახლავთ ავთვისებიანი. მკერდის გამაგრება შესაძლოა გამოვლინდეს შემდეგი სახით:

სარძევე ჯირკვლის ქსოვილის კეთილთვისებიანი ცვლილებები რომელიც სიმაგრეს იწვევს ხშირია 35 წლის ზემოთ ასაკის ქალებში
სითხოვანი კისტა სარძევე ჯირკვლის ქსოვილებში
ფიბროადენომა – ფიბროზულ ჯირკვლოვანი ქსოვილების ჯგუფი, რომელიც უფრო ხშირად ახალგაზრდა ქალებში აღინიშნება

 
redlineთარიღი: სამშაბათი, 24.02.2009, 18:27 | შეტყობინება # 4
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
რას უნდა მივაქციოთ ყურადღება?

სარძევე ჯირკვლის კიბოს ყველაზე გავრცელებული სიმპტომები, რომელთა მიმართაც განსაკუთრებული ყურადღების და სიფრთხილის გამოჩენა გვმართებს, ასე გამოიყურება:

გამაგრება ან სიმსივნური წარმონაქმნი მკერდში
ძუძუს ფორმისა და ზომის ცვლილება
კანის დეფორმაცია (კანის ქსოვილის სახეცვლილება)
ერთი ერთი დვრილის ფორმის სახეცვლილება (მაგ.: მკერდში ჩაღრმავება, ამოტრიალებული ან არაბუნებრივი ფორმის დვრილი)
გამონადენი დვრილიდან
გამონაყარი ერთ დვრილზე ან მის გარშემო
გამაგრება ან სიმსივნური წარმონაქმნი იღლიის ქვეშ
ისევე, როგორც გამაგრების შემთხვევაში, ზემოთ აღნიშნული ნიშნები არ მიიჩნევა ავთვისებიანი სიმსივნის აუცილებელ სიმპტომებად. ნებისმიერ შემთხვევაში, სასურველია მიმართოთ ექიმს: შესაძლოა, თქვენი ნერვიულობა საფუძველს მოკლებულია და სამედიცინო მკურნალობა სხვაგვარი მიმართულებით უნდა წარიმართოს. თუ სახეზე ნამდვილად ავთვისებიანი სიმსივნეა, დროული ვიზიტი ექიმთან წარმატებული მკურნალობისა და მდგომარეობის გამოსწორების შესაძლებლობებს მკვეთრად გაზრდის.

ტკივილი სარძევე ჯირკვლის კიბოს ძირითად სიმპტომს არ წარმოადგენს. მრავალ ქალში მკერდის გამაგრებისა და შებერვის შეგრძნება მენსტრუაციის წინა პერიოდში აღინიშნება. ზოგიერთი მსუბუქი ფორმის გამაგრებაც მტკივნეულია. თუმცა, სარძევე ჯირკვლის ზოგიერთი სახეობის კიბოსაც ახლავს ტკივილი და რაიმე დაეჭვების ან შეშფოთების შემთხვევაში უპრიანია, ექიმს მიმართოთ.

განსხვავებული სიმპტომებით ხასიათდება სარძევე ჯირკვლის კიბოს შედარებით იშვიათი სახეობა, რომელსაც მკერდის ანთებით კიბოსაც უწოდებენ. შესაძლოა, მკერდმა მთლიანობაში წითელი შეფერილობა მიიღოს და შეიბეროს, შესაძლოა, ამას ახლდეს ტკივილის შეგრძნებაც. დეფორმაციის თვალსაზრისით, ზოგჯერ კანი ფორთოხლის ნათალსაც ჩამოჰგავს.

სარძევე ჯირკვლის კიბოს კიდევ უფრო იშვიათ სახეობას ე.წ. პეჯიტის სიმსივნე წარმოადგენს; იგი დვრილზე ან მის გარშემო წითელი ფერის გამონაყარით აღინიშნება და ხშირად ქავილიც ახლავს. გამონაყარი ვიზუალურად ეგზემას ჩამოჰგავს და თავდაპირველად იგი, შეიძლება, მასშიც აგვერიოს.

 
redlineთარიღი: სამშაბათი, 24.02.2009, 18:28 | შეტყობინება # 5
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
რეკომენდაციები

სარძევე ჯირკვლებში რაიმე უჩვეულო ცვლილების შემჩნევისთანავე დაუყოვნებლივ მიმართეთ ექიმს - უნდა იცოდეთ, რა მიიჩნევა თქვენი მკერდის მდგომარეობისთვის ნორმალურად და რა არა. მიუხედავად იმისა, რომ გამაგრებათა უმრავლესობა არ წარმოადგენს კიბოს, სასურველია, ყოველ კონკრეტულ შემთხვევაში მიმართოთ ექიმს. ექიმი საფუძვლიანად შეამოწმებს თქვენი სარძევე ჯირკვლების მდგომარეობას და ჩაგიტარებთ სათანადო გამოკვლევებს; შემოწმებების საფუძველზე დაადგენენ, აღნიშნული წარმონაქმნი კისტას წარმოადგენს თუ ქსოვილოვან წარმონაქმნს.

კისტის შემთხვევაში კეთდება გამოტუმბვა წვრილი სამედიცინო ნემსით, ხოლო ქსოვილოვანი წარმონაქმნის შემთხვევაში შემდგომი შემოწმების მიზნით იღებენ ქსოვილის სინჯს, წარმონაქმნში (გამაგრებულ ადგილში) ნემსის შეყვანის გზით.

სიმსივნური დაავადების ადრეული დიაგნოსტიკა მნიშვნელოვნად ზრდის მკურნალობისა და მდგომარეობის გამოსწორების შესაძლებლობას

 
ფორუმი » ზოგადი » ონკოლოგია » სარძევე ჯირკვლის კიბო
  • გვერდი 1 დან
  • 1
ძებნა:

RSS

შესვლის ფორმა

სტატისტიკა

baner

Бесплатные медицинские книги

call me

My status