არსებობს კიბოს 100 მეტი სახეობა. დაავადება შეიძლება განვითარდეს სხეულის ნებისმიერ ნაწილში. 2005 წელს კიბოთი გარდაიცვალა 7,6 მილიონი ადამიანი, რაც შეადგენს მთელ მსოფლიოში აღრიცხული 58 მილიონი სიკვდილის შემთხვევის 13 %-ს.
კიბოს შემთხვევათა 70 %-ზე მეტი აღინიშნება დაბალი და საშუალო შემოსავლის მქონე ქვეყნებში.
მთელ მსოფლიოში მამაკაცების უმეტესი ნაწილი იღუპება კიბოს შემდეგი ხუთი სახეობისგან (კლებადი თანმიმდევრობით): ფილტვის, კუჭის, ღვიძლის, განივი და სწორი ნაწლავებისა და საყლაპავის კიბოსაგან.
მთელ მსოფლიოში ქალების უმეტესი ნაწილი იღუპება კიბოს შემდეგი ხუთი სახეობისგან (კლებადი თანმიმდევრობით): მკერდის, ფილტვის, კუჭის, სწორი და განივი ნაწლავებისა და საშვილოსნოს ყელის კიბოსაგან.
თამბაქოს მოხმარება წარმოადგენს მსოფლიოში კიბოს განვითარების ერთადერთ უმნიშვნელოვანეს მიზეზს, რომლის აღკვეთაც შესაძლებელია.
მსოფლიოში კიბოთი დაავადების შემთხვევათა ერთი მეხუთედი ნაწილი ვითარდება ქრონიკული ინფექციური დაავადებების შედეგად. მაგალითად, ადამიანის პაპილომის ვირუსი იწვევს საშვილოსნოს ყელის კიბოს, ხოლო B ჰეპატიტის ვირუსი - ღვიძლის კიბოს.
ადრეული გამოვლენისა და სწორი მკურნალობის შემთხვევაში კიბოს დაავადებათა მესამედი განკურნებადია.
თანამედროვე ცოდნის გამოყენებით, ტკივილის მოხსნისა და პალიატიური დახმარების აღმოჩენის სფეროში, შესაძლებლია ტკივილით შეწუხებული ყველა ავადმყოფის დახმარება.
კიბოთი დაავადების 40 % შეიძლება აღიკვეთოს, ძირითადად, თამბაქოს მოხმარებისგან თავის შეკავებით, ჯანსაღი კვებით, ფიზიკური აქტივობით და იმ ინფექციების პროფილაქტიკით, რომლებიც იწვევენ კიბოს.
