რძის პროდუქტებს - დიახ. ყველა რძის პროდუქტი იცავს კუჭის ლორწოვანს დაზიანებისაგან. ამიტომ მირთვით ჩაი რძით, კაკაო რძით ან ნაღებით, უბრალოდ რძე, მაწონი, იოგურტი. შეარჩიეთ ნაკლებ ცხიმიანი რძის პროდუქტები - 1,5-2 პროცენტის ცხიმის შემცველობით.

მიიღეთ ცილის ნორმა. ცილა აუცილებელი სამშენებლო მასალაა ორგანიზმის ნებისმიერი უჯრედისათვის. ამიტომ თქვენი ამოცანაა - მოამარაგოთ ორგანიზმი ცილების დღიური ნორმით საკვებისა და კალორიების შემცირების ფონზე. ეს კი პრაქტიკულად შეუძლებელია ყოველდღიურად დიეტური ცილოვანი პროდუქტების მიღების გარეშე. მათ რიცხვს განეკუთვნება უცხიმო ხაჭო, საქონლის მჭლე ხორცი, კურდღლის ხორცი, ქათმის მკერდი და მოხარშული თევზი.

ვიტამინები. კუჭის უჯრედებს მარილმჟავასაგან იცავს ვიტამინი Е. მისი წყაროა - მცენარეული ზეთი. მაგრამ ფრთხილად იყავით, იგი ძალიან კალორიულია. დღიური ნორმისათვის საკმარისია 1-2 ჩაის კოვზი მცენარეული ზეთი.

В ჯგუფის ვიტამინებს ორგანიზმი ბურღულეულისაგან იღებს, ამიტომ მიიღეთ ისინი პირველ კერძად. არაა სასურველი პირველ კერძად ხორცის ან თევზის ბულიონზე მომზადებული საკვები, რომლებიც ასტიმულირებენ საკვებმომნელებელი წვენების გამოყოფას. შეგიძლიათ გამოიყენოთ ნებისმიერი ბურღული, გარდა ქერისა და ხორბლისა. ვიტამინების მაქსიმუმია წიწიბურაში და შვრიის ბურღულში, მინიმუმი მანის ბურღულში.

С ვიტამინს ვიღებთ კენკრისა და ტკბილი ხილისაგან. აუცილებლად მოაშორეთ მათ კურკა და კანი. ვაშლი შეგიძლიათ შეწვათ. მაგრამ ხილისაგან მიღებული ვიტამინი საკმარისი არ იქნება. ამიტომ ან ყოველდღიურად მიიღეთ ასკილის ნახარში, ან მიიღეთ პოლივიტამინები. ვიტამინის კომპლექსები უმჯობესია კაფსულებში შეარჩიოთ. ისინი უნდა მიიღოთ ან ჭამის დროს ან მის შემდეგ.

საჭმელი ნელ-ნელა მიიღეთ, დაღეჭეთ საგულდაგულოდ. ამით ორ კურდღელს ერთად დაიჭერთ: თავის ტვინს მიეწოდება სიგნალი, რომ უკვე საკმარისი საკვები მიიღო, ხოლო კარგად დაღეჭილი საკვები მაქსიმალურად იჟღინთება კუჭის წვენით და იოლად მუშავდება. კუჭს აღარ სჭირდება დამატებითი სიმჟავის გამოყოფა, რაც ძალიან მნიშვნელოვანია გასტრიტის დროს.

შეზღუდეთ ალკოჰოლი და სუნელები. სპირტიანი სასმელები მაღალკალორიულია. ამას გარდა, ალკოჰოლიცა და სხვადასხვა სანელებლებიც ძლიერად ასტიმულირებენ მადას და კუჭის წვენის გამოყოფას. განსაკუთრებით მავნეა ისეთი სანელებლები, როგორიცაა წიწაკა, კარი ან ნიორი.
ფიზიკური დატვირთვა

გასტრიტის დროს სასარგებლოა პრაქტიკულად ნებისმიერი ფიზიკური დატვირთვა: სირბილი, სიარული, ცურვა, ველოსიპედით სიარული. განსაკუთრებით ეფექტურია აერობიკა მუცლის ცეკვის ელემენტებით. მუცლის ცეკვის დროს ხდება შინაგანი ორგანოების ძალიან მსუბუქი მასაჟი, კუჭის კედლებს უკეთესად მიეწოდება სისხლი და ჟანგბადი. შესაბამისად, გასტრიტის ალბათობა მცირდება.

რაც შეეხება ფიზიკური დატვირთვების ხანგრძლივობასა და პერიოდულობას, ეს ინდივიდუალური საკითხია და ამის გადაწყვეტა ექიმთან შეთანხმებით უნდა მოხდეს.
გთავაზობთ ორიგინალურ დაბალკალორიულ რეცეპტს:

1-ლი საუზმე: 1 თოხლო კვერცხი, მოხარშული წიწიბურა - 150 გრამი, უშაქრო რძიანი ჩაი - 1 ჭიქა.
2-ე საუზმე: უცხიმო ხაჭო - 150 გრამი, ასკილის ნახარში - 1 ჭიქა.

სადილი: ვეგეტერიანული წვნიანი კარტოფილით, ყვავილოვანი კომბოსტოთი და სტაფილოსაგან - 200 გრამი. მოხარშული ხორცი - 150 გრამი, ჩირის კომპოტი - 1 ჭიქა.

შუადღეზე შეგიძლიათ მირთვათ შემწვარი ვაშლი.

ვახშამი: მოხარშული თევზი - 150 გრამი, 1 ცალი მოხარშული, ან კანიანად შემწვარი კარტოფილი, რომელიც უნდა ჩაჭყლიტოთ 1 ჩ.კ. ზეითუნის ზეთთან ერთად, უშაქრო რძიანი ჩაი - 1 ჭიქა.

ღამით: 1 ჭიქა რძე ან უცხიმო, ნაკლებად შაქრიანი იოგურტი.