| redline | თარიღი: ორშაბათი, 20.04.2009, 11:06 | შეტყობინება # 1 |
 Admin
ჯგუფი: Администраторы
შეტყობინებები: 1214
სტატუსი: Offline
| 
ნანოტექნოლოგია განსაკუთრებული დამიზნებით მოქმედი ”სიმსივნის დამშლელი” გენების საშუალებით პირველად გამოიყენება კიბოს უჯრედების გასანადგურებლად.
აღნიშნული ტექნიკა იმედის მომცემია იმ ადამიანებისთვის, რომლებსაც აღენიშნებათ კიბოს ისეთი მძიმე სამკურნალო ფორმები, როდესაც ქირურგიული ჩარევა შეუძლებელია.
გამოცდა ჯერ-ჯერობით წარმოებს მხოლოდ თაგვებში, ხოლო ადამიანებზე მის გამოყენებას მეცნიერები ორ წელიწადში ვარაუდობენ. აღნიშნული კვლევების შესახებ გამოქვეყნებულია ჟურნალში ” Cancer Research ”.
გენები მოთავსებულია მიკროსკოპულ ნანო-ნაწილაკებში, რომელიც თმის დიამეტრზე 80 000-ჯერ მცირეა. ამ ნაწილაკებს იტაცებს მხოლოდ კიბოს უჯრედები და არ ზიანდება ჯანმრთელი უჯრედები.
უჯრედში მოხვედრილი გენები ახდენენ იმ პროტეინის სტიმულირებას, რომელიც შლის კიბოს. მეცნიერების თქმით, ეს ტექნოლოგია განსაკუთრებით მნიშვნელოვანია იმ ადამიანებისთვის, რომელთაც აღენიშნებათ კიბოს ინოპერაბელური შემთხვევები მათი სასიცოცხლო ორგანოებთან სიახლოვის გამო.
ლონდონის ფარმაცევტული სკოლის წამყვანი მკვლევარის დოქტორი ანდრეას შატცლეინის (Andreas Schatzlein) თქმით, გენურ თერაპიას აქვს უზარმაზარი პოტენცია, რათა უზრუნველყოს კიბოს უსაფრთხო და ეფექტური მკურნალობა, მაგრამ გენების კიბო უჯრედებში მოხვედრა დღემდე მნიშვნელოვან გამოწვევას წარმოადგენს. ეს პირველი შემთხვევაა, როდესაც მოხდა ნანონაწილაკების კიბოს უჯრედებში სელექტიური გზით მოხვედრა.
ტრადიციული ქიმიოთერაპია განურჩევლად კლავს მისი მოქმედების არეში მყოფ უჯრედებს, რასაც თან ახლავს ისეთი გვერდითი ეფექტები, როგორიცაა ძლიერი სისუსტე, თმების დაცვენა ან გულისრევის შეგრძნება.
მეცნიერებს იმედი აქვთ, რომ კიბოს უჯრედების დამიზნებულ გენურ თერაპიას არ ექნება ასეთი გვერდითი მოვლენები. http://bbc.co.uk
|
| |
| |
