ქალები გენეტიკურად უფრო მიდრეკილები არიან კბილებისა და ღრძილების დაავადებებისადმი
ბუნება აიძულებს ქალებს მამაკაცებზე უფრო ხშირად მიმართონ სტომატოლოგებს: ფილიპინებსა და გვატემალაში ჩატარებულმა ორეგონის უნივერსიტეტის (Oregon State University) ანთროპოლოგიური კვლევამ აჩვენა, რომ ქალის სასქესო ჰორმონების მუშაობის ცვლილება მნიშვნელოვნად აუარესებს კბილის ჯანმრთელობას.
სტომატოლოგები დარწმუნებულნი არიან, რომ ბიოლოგიური გენდერული განსხვავებაა ის ძირითადი მიზეზი, რის გამოც ქალებში უფრო მეტად, ვიდრე მამაკაცებში, ვითარდება კარიესი, მაგრამ, ამავე დროს, არ გამორიცხავენ დიეტისა და ქცევითი ფაქტორების გავლენის მნიშვნელობასაც. მეცნიერებმა განახორციელეს მამაკაცებსა და ქალებს შორის კბილის დაავადებათა ისტორიის ანალიზი პირველყოფილი თემებიდან დაწყებული დღემდე არსებული ინფორმაციის საფუძველზე. ექიმების თქმით, ქალის ორგანიზმის სასქესო ჰორმონები ფიზიოლოგიურად მოქმედებს პირის ღრუს ფორმირებაზე, ხოლო სქესობრივი მომწიფებისა და ორსულობის დროს ხელს უწყობს კბილების დაზიანებასა და ძვლოვანი ქსოვილის დაშლის პროცესებს. გარდა ამისა, იცვლება ნერწყვის ბიოქიმიური შემადგენლობა ისე, რომ სუსტდება მისი ანტიმიკრობული თვისება. საგრძნობლად მცირდება ნერწყვის გამოყოფის სიჩქარეც, რის გამოც ვერ ხდება საკვების ნარჩენებისაგან პირის ღრუს სრულყოფილი განთავისუფლება. ორსულობის დროს ამას ემატება ბაქტერიების მოქმედებისადმი იმუნური პასუხის შესუსტება და ხშირად სასარგებლო კვებითი პროდუქტებისადმი აუტანლობისა და ტკბილი და კალორიული პროდუქტებისადმი მიდრეკილების განვითარებაც.
http://Medicus.ru
2009.05.18
