ჯანმრთელობის მსოფლიო ორგანიზაცია აფრთხილებს აივ-ინფექციის, ტუბერკულოზისა (TB) და მალარიის მქონე ადამიანებს, რომ არ ენდონ ჰომეოპათიურ მკურნალობას. ეს არის პასუხი ახალგაზრდა მკვლევარების მოთხოვნაზე (“Voice of Young Science Network”), რომ ჯანმოს დაეფიქსირებინა საკუთარი პოზიცია განვითარებად ქვეყნებში ადამიანის სიცოცხლისათვის სახიფათო ჰომეოპათიური მკურნალობის წახალისებასთან დაკავშირებული რისკის გამო.
“არ არსებობს არანაირი ობიექტური მტკიცებულება ჰომეოპათიის ეფექტურობის შესახებ ამ ინფექციების შემთხვევაში” - აღნიშნავს ლივერპულის სამეფო უნივერსიტეტის დოქტორი ნიკ ბიიჩინგი (Nick Beeching).
ჯანმოს TB ექსპერტები აღნიშნავენ, რომ ჰომეოპათიას “არა აქვს ადგილი” ტუბერკულოზის მკურნალობაში.
ექსპერტები ასევე შეშფოთებას გამოხატავენ ჰომეოპათიური საშუალებებით ახალშობილთა დიარეისა და გრიპის მკურნალობის გამო.
ჯანმოს ბავშვთა და მოზრდილთა ჯანდაცვის დეპარტამენტის ექსპერტები აღნიშნავენ, რომ ჰომეოპათია არ ახდენს დეჰიდრატაციის პრევენციასა და მკურნალობაზე ფოკუსირებას, რაც სავსებით ეწინააღმდეგება დიარეის მკურნალობის მეცნიერულ საფუძვლებს და ჯანმოს რეკომენდაციებს ამ დაავადების მართვასთან დაკავშირებით.
დოქტორი ნიკ ბიიჩინგის თქმით, ისეთი ინფექციები როგორიცაა აივ-ინფექცია, ტუბერკულოზი და მალარია, რომელიც ხასიათდება მაღალი სიკვდილიანობით, კონტროლირებული და ნამკურნალევი უნდა იყოს მხოლოდ მეცნიერულად დასაბუთებული და გამოცდილი მეთოდებით.

http://news.bbc.co.uk medportal.ge

2009.08.21