ყავის მოხმარება პროსტატის კიბოს განვითარების რისკის შემცირებასთან ასოცირდება
მეცნიერებმა აღმოაჩინეს მკვეთრად გამოხატული უკუპროპორციული დამოკიდებულება ყავის მიღებასა და პროსტატის პროგრესირებადი კიბოს განვითარებას შორის.
“ყავა მოქმედებს ინსულინისა და გლუკოზის მეტაბოლიზმზე, ასევე, სასქესო ჰორმონების დონეზე. ეს ყველაფერი თავისთავად მოქმედებს პროსტატის კიბოს განვითარებაზე,”- აღნიშნავს კვლევის ავტორი კატრინ მ.ვილსონი (Kathryn M. Wilson).
პროსპექტულმა კვლევამ აჩვენა, რომ მამაკაცებს, რომლებიც სვამდნენ ყავას ყველაზე მეტი რაოდენობით, 60%-ით ნაკლებად აღენიშნებოდათ პროსტატის კიბოს აგრესიული ფორმის განვითარება, იმ მამაკაცებთან შედარებით, რომლებიც საერთოდ არ სვამდნენ ყავას.
ვილსონის თქმით, აღნიშნულ ასოციაციურ კავშირში კოფეინი არ არის ძირითადი ფაქტორი. მკვლევარებისთვის ჯერ-ჯერობით უცნობია სასმელის რომელი კომპონენტია ყველაზე მნიშვნელოვანი. სასმელი შეიცავს ბევრ ბიოლოგიურად აქტიურ ნივთიერებას ანტიოქსიდანტებისა და მინერალების სახით.
მკვლევარებმა გააანალიზეს 1986-დან 2006 წლამდე ჩატარებულ კვლევებში მონაწილე დაახლოებით 50 000 მამაკაცის მონაცემები ყავის რეგულარულ მიღებასა და კოფეინგამოცლილი ყავის გამოყენებასთან დაკავშირებით. http://www.elements4health.com
2009.12.09 medportal.ge
