კვლევების საფუძველზე დადგინდა, რომ ბავშვებს, რომლებიც იძულებულნი იყვნენ შეესუნთქათ მოზრდილების მიერ მოწეული სიგარეტის კვამლი, მომავალში უფრო ადრე უვითარდებათ ფილტვების ემფიზემა.
ფილტვის ემფიზემა ქრონიკული პროგრესირებადი მდგომარეობაა და ქოშინის ძირითადი მიზეზი. იგი მიეკუთვნება ფილტვების ქრონიკულ ობსტრუქციულ დაავადებებს.
მკვლევარებმა დაამტკიცეს, რომ ბავშვობაში თამბაქოს კვამლის შესუნთქვა ხელს უწყობს ფილტვების ადრეულ და ხანგრძლივ დაზიანებას. არამწეველთა კომპიუტერულმა ტომოგრაფიამ (კტ) დაადასტურა, რომ თითქმის ნახევარი მათ შორის ბავშვობაში ცხოვრობდა სულ მცირე ერთი მწეველის გვერდით.
რაც უფრო მეტს ეწეოდნენ ოჯახის წევრები ან ბავშვის გარემომცველი ადამიანები, მით მეტი აღმოჩნდა ფილტვების ემფიზემით დაზიანების პროცენტი მოზრდილ ასაკში. ვინც ბავშვობა გაატარა ერთი მწეველის გვერდით, ემფიზემის ნიშნები კტ-ით გამოუვლინდათ 18%-ში. თუკი ბავშვთან თანდასწრებით ეწეოდა ორი ან ორზე მეტი ადამიანი, მაშინ კტ-ით გამოვლენილი ემფიზემა აღწევდა 20%-ს.
კვლევის ავტორების თქმით, მნიშვნელოვნად განსხვავდება ერთმანეთისაგან იმ მონაწილეთა კტ-ის მონაცემები, რომლებიც ბავშვობაში თამბაქოს კვამლის ზემოქმედებას განიცდიდნენ ან არ განიცდიდნენ.
კვლევის შედეგები გამოქვეყნებულია ჟურნალში “American Journal of Epidemiology”.

http://www.solvay-pharma.ru

2010.01.08 medportal.ge