ეპიდემიოლოგებმა ნახეს ჰოსპიტალური ინფექციის გავრცელების ახალი მიზეზი - მობილური ტელეფონი
ეპიდემიოლოგებმა ნახეს ჰოსპიტალური ინფექციისა და ბაქტერიების გავრცელების ახალი მიზეზი, რომელსაც მობილური ტელეფონი წარმოადგენს. თურქმა სპეციალისტებმა (Ondokuz Mayis University) გამოიკვლიეს კლინიკაში მომუშავე ექიმებისა და მედდების მობილური ტელეფონები და აღმოაჩინეს, რომ 95%-ში შესწავლილი ტექნიკის ზედაპირზე აღინიშნება სხვადასხვა ბაქტერია, მათ შორის, Staphylococcus аureus-ის წამლის მიმართ მდგრადი ფორმა, რომელიც სერიოზული ინფექციების წარმოშობის მიზეზია.
სპეციალისტებმა ასევე დაადგინეს, რომ რეგულარულად სამედიცინო პერსონალის მხოლოდ 10% წმენდს თავის ტელეფონს ანტიბაქტერიული ხელსახოცით.
ანალიზის შედეგად გაკეთდა დასკვნა, რომ მობილური ტელეფონები წარმოადგენს ბაქტერიების მნიშვნელოვან წყაროს საავადმყოფოში, რომელიც ხელს უწყობს პერსონალის ჯვარედინ დაინფიცირებას ხელის ჩამორთმევით, კარის სახელურების, ლიფტის ღილაკებისა და დოკუმენტების შეხებით. ამრიგად, ტელეფონები გვევლინება ინფექციის გადამტანად სტაციონარის პირობებში და პოტენციურად წარმოადგენს საშიშროებას, როგორც ექიმების, ისე პაციენტების ჯანმრთელობისთვის.
სახიფათო დაავადებების გავრცელების აღსაკვეთად კვლევის ავტორების რჩევით, უნდა მოხდეს პალატებისა და კაბინეტების სათანადო დეზინფექცია, ხელების ჰიგიენაზე ზრუნვა და პორტატიული ელექტრონული მოწყობილობების ყოველდღიურად გასუფთავება.
http://Ami-tass.ru medportal.ge