ორშაბათი, 27.06.2022, 15:07
მოგესალმები სტუმარი | რეგისტრაცია | შესვლა

medic

მეტადონი ციხეში - ფორუმი

[ ახალი შეტყობინებები · მონაწილეები · ფორუმის წესები · ძებნა · RSS ]
  • გვერდი 1 დან
  • 1
ფორუმი » ზოგადი » ფსიქოლოგის კონსულტაცია » მეტადონი ციხეში
მეტადონი ციხეში
redlineთარიღი: ხუთშაბათი, 23.04.2009, 18:27 | შეტყობინება # 1
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
"შიდსთან, ტუბერკულოზთან და მალარიასთან ბრძოლის გლობალური ფონდის" წარმომადგენლები, საქართველოს ციხეში მეტადონის პროგრამის შეტანას აპირებენ. გლობალური ფონდის წარმომადგენელმა საქართველოში აკაკი ლოჩოშვილმა განაცხადა, ამ ეტაპზე აქტიურად მიმდინარეობს მოლაპარაკება ფონდის წარმომადგენლებთან, რათა გრანტი გამოიყოს და ციხეში მეტადონის პროგრამა ამუშავდეს.
ლოჩოშვილი დარწმუნებულია, რომ "შიდსთან, ტუბერკულოზთან და მალარიასთან ბრძოლის გლობალური ფონდი" ციხეში მეტადონის შესატანად გრანტს გამოყოფს, რადგან ფონდის მთავარი მიზანი ზიანის შემცირებაა, რასაც მეტადონის პროგრამა ყველაზე მეტად უწყობს ხელს.
ცნობილია, რომ მეტადონის პროგრამა ძალიან შეზღუდულია. პროგრამის ფარგლებში მკურნალობას ციხის გარეთ დაახლოებით 200 ადამიანს გადის. როგორც აღმოჩნდა, ეს რიცხვი ციხეში შეზღუდული იქნება.
"თავიდან რაოდენობა რა თქმა უნდა შეზღუდული იქნება. პირველ წელს მეტადონის პროგრამაში დაახლოებით 50 ადამიანი ჩაერთვება. მომავალში ეს რიცხვი შესაძლოა 80-100-მდე გაიზარდოს. ბუნებრივია, ეს რაოდენობა პრობლემის მოსაგვარებლად არ კმარა, თუმცა, პირველი ნაბიჯის გადადგმა ისეთ სკითხებში, როგორიც ციხეში მეტადონის პროექტის განხორციელებაა, დამეთანხმებით ძალიან მნიშვნელოვანია", - დასძენს ბ-ნი ლოჩოშვილი.
პროექტის ორგანიზატორებს უჭირთ თქმა, ციხეში მეტადონის შეტანას რა დრო დასჭირდება. თუმცა, გამოცდილების საფუძველზე პროგნოზებს მაინც აკეთებენ.
"თუ მოლაპარაკებები ჩვენი გამოცდილების მიხედვით წავა, მაშინ აგვისტოში ოფიციალური საკითხების განხილვა უნდა დასრულდეს. დოკუმენტის დამტკიცების შემდეგ ტექნიკური საკითხების მოგვარება დაიწყება. პირველ რიგში ის ციხე უნდა შეირჩეს, სადაც მეტადონის პროგრამას განვახორციელებთ. ჯერ კიდევ ბევრი დეტალია დასაზუსტებელი. ვვარაუდობთ, რომ პროექტი ოქტომბერში დაიწყება, თუმცა, მანამდე საუბარი მიჭირს. მოლაპარაკების დასრულების შემდეგ უფრო თამამად შევძლებ საუბარს", - აცხადებს აკაკი ლოჩოშვილი.
რაც შეეხება გავრცელებულ მოსაზრებას, რომ ციხეში მეტადონის შეტანა, იქ ნარკოტოკების არსებობას ცხადყოფს, გლობალური ფონდის წარმომადგენლები, ამ აზრს არ იზიარებენ.
"ყველამ ვიცით, რომ ციხეში ისეთი ადამიანებიც იხდიან სასჯელს, რომლებიც იქ შესვლამდეც მოიხმარდნენ ნარკოტიკს. ასეთ ადამიანებს იქ შესვლის შემდეგ განსაკუთრებული დახმარება სჭირდებათ. თუ მათ დროული დახმარება არ აღმოვუჩინეთ, შესაძლოა სერიოზული პრობლემები შეექმნათ, როგორც ფიზიკური, ისე ფსიქოლოგიური.
"მეტადონის პროგრამის დაწყება არ ნიშნავს, რომ ციხეში ნარკოტიკი შედის. საკითხის ასეთი კუთხით განხილვა არასწორია, რადგან პრობლემა არსებობს და იმის გამო, რომ ეს ვიღაცას ეჭვს აღუძრავს, დაბრკოლება არ შეიძლება გახდეს", - ამბობს აკაკი ლოჩოშვილი.
ის არასამთავრობო ორგანიზაციები, რომლებიც ნარკომანიის პრობლემებზე მუშაობენ, ციხეში მეტადონის შეტანას დადებითად აფასებენ.
"2001 წლიდან ციხეებში ზიარი შპრიცების მომხმარებლების სტატისტიკაზე ვმუშაობთ. დღემდე ვახორციელებთ ამ პროგრამას და გამოკითხული პატიმრების 70% ადასტურებს, რომ ზიარი შპრიცის, როგორც გარეთ, ასევე ციხეშიც იყენებენ. მხოლოდ 20-25% ამბობს, რომ სხვისი შპრიცი არასოდეს გამოუყენებია. მეტადონის პროგრამა კი ერთ-ერთი პრევენციული ღონისძიებაა, რომელიც სწორედ ზიანის შემცირებისკერ არის მიმართული. თუმცა, როგორც ცნობილია პროგრამა ძალიან შეზღუდულია, ამიტომ აუცილებელია გაიზარდოს მისი მასშტაბი," - განაცხადა არასამთავრობო ორგანიზაცია "თანადგომის" სოცმუშაკმა ვაჟა კასრეიშვილმა.
ლანა ბერიძე

http://www.opentext.org.ge/resonance

2007.07.02

 
ფორუმი » ზოგადი » ფსიქოლოგის კონსულტაცია » მეტადონი ციხეში
  • გვერდი 1 დან
  • 1
ძებნა:

RSS

შესვლის ფორმა

სტატისტიკა

baner

Бесплатные медицинские книги

call me

My status