ხუთშაბათი, 28.03.2024, 14:08
მოგესალმები სტუმარი | რეგისტრაცია | შესვლა

medic

ქალი და ჰორმონული პრეპარატები - ფორუმი

[ ახალი შეტყობინებები · მონაწილეები · ფორუმის წესები · ძებნა · RSS ]
  • გვერდი 1 დან
  • 1
ფორუმი » ზოგადი » ორსულმა ეს უნდა იცოდეს » ქალი და ჰორმონული პრეპარატები
ქალი და ჰორმონული პრეპარატები
redlineთარიღი: ოთხშაბათი, 09.09.2009, 09:00 | შეტყობინება # 1
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline

ქალის ცხოვრების სხვადასხვა ეტაპზე ჰორმონული პრეპარატები სხვადასხვა მიზნით ინიშნება. სწორედ ამ საკითხებზე სასაუბროდ მივმართეთ მეან-გინეკოლოგს, ნინო იამანიძეს.

- ქალს ჰორმონული პრეპარატები სხვადასხვა დროს და სხვადასხვა მიზნით სჭირდება. ჩამონათვალი საკმაოდ ვრცელია: საშვილოსნოდან დისფუნქციური სისხლდენა; სასქესო ორგანოების ანთებითი დაავადებები; მასტოდინია; ვირი-ლიზაცია; კონტრაცეფცია; ჩანაცვლებითი თერაპია კლიმაქტერიულ პერიოდში და სხვა.

 
redlineთარიღი: ოთხშაბათი, 09.09.2009, 09:01 | შეტყობინება # 2
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
- ჰორმონულ კონტრაცეფციას დღეს ქალის ცხოვრებაში მნიშვნელოვანი ადგილი უკავია. ისიც სათქმელია, რომ ამ ტიპის კონტრაცეპტივებს არა მარტო ჩასახვის თავიდან ასაცილებლად, არამედ სხვადასხვა პათოლოგიური მდგომარეობის სამკურნალოდაც იყენებენ. ასე რომ, ვფიქრობ, უპრიანი იქნება, მათზე უფრო ვრცლად მოვუთხროთ მკითხველს.
- ჰორმონული კონტრაცეპტივები შედგება ესტროგენული და გესტაგენური კომპონენტებისგან, რომლებიც ხელოვნურად არის შექმნილი ქალის ნატურალური სასქესო ჰორმონების - ესტროგენისა და პროგესტერონისგან. ამავე მიზნით გამოიყენება გესტაგენებიც. პროგესტაგენული პრეპარატებია:
მინიაბები, მინი-პილი (ექსლიუტონი, მიკროლიუტი). მათ, წესისამებრ, მეძუძურ დედებს უნიშნავენ კონტრაცეფციისთვის. მოქმედებს ადგილობრივად, ამიტომ სისტემური გვერდითი რეაქციები არ ახასიათებს.
პროლონგირებული საინექციო საშუალებები (დეპო-პროვერა) - კეთდება სამ თვეში ერთხელ.
ლ საშვილოსნოსშიდა სპირალი (მირენა). გარდა ჩასახვის საწინააღმდეგო მოქმედებისა, აქვს სამკურნალო ეფექტიც, რაც ჰორმონების გამოთავისუფლების ხარჯზე მიიღწევა.
კანქვეშა იმპლანტატები (ნორპლანტ). ინერგება მხრის ან წინამხრის კანქვეშ კაფსულის სახით, რომელიც შეიცავს პროლონგირებულ გესტაგენებს. ასეთი კაფსულიდან ჰორმონი მუდმივად გამოიყოფა. კაფსულის მოქმედების ვადა 5 წელია. ამ ხნის შემდეგ მას იღებენ.

არსებობს აგრეთვე პოსტკოიტალური ექსტრემალური კონტრაცეფცია, რომელსაც მიმართავენ სქესობრივი აქტისთანავე ან მისი ჩატარებიდან გარკვეული ხნის შემდეგ, რათა დაორსულება თავიდან აიცილონ. ამ ტიპის კონტრაცეფციას იყენებენ ქალები, რომლებსაც აქვთ არარეგულარული სქესობრივი კონტაქტები.

 
redlineთარიღი: ოთხშაბათი, 09.09.2009, 09:02 | შეტყობინება # 3
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
- რა არის კოკი?
- კოკი კომბინირებული ორალური კონტრაცეპტივია, რომელიც ტაბლეტირებული ფორმით შეიცავს ესტროგენისა და პროგესტერონის ანალოგებს. არსებობს ერთფაზიანი, ორფაზიანი და სამფაზიანი კოკები, რომლებიც ერთმანეთისგან ესტროგენებისა და პროგესტერონის თანაფარდობით განსხვავდება, ხოლო ესტროგენის დოზის მიხედვით განასხვავებენ მაღალდოზირებულ, დაბალდოზირებულ და მიკროდოზირებულ კოკებს. სადღეისოდ კონტრაცეფციისთვის გამოიყენება დაბალდოზირებული და მიკროდოზირებული პრეპარატები, რომლებსაც მინიმალური გვერდითი ეფექტები და მაქსიმალური ეფექტურობა ახასიათებს. დაბალდოზირებული და მიკროდოზირებული კონტრაცეპ.ტივებია დიანე-35, მარველონი, რიგევიდონი, სილესტი, ჟანინი, მიკროგინონი, ნოვინეტი, ლოგესტი.

- როგორ მოქმედებს კოკი?
- ჰორმონები, რომლებიც კოკების შემადგენლობაში შედის, ხელს უშლის კვერცხუჯრედის მომწიფებას და ფოლიკულიდან გამოსვლას; ზრდის საშვილოსნოს ყელის ლორწოს სიბლანტეს და სპერმატოზოიდებს კვერცხუჯრედისკენ მიმავალ გზაზე ეღობება; ასუსტებს საშვილოსნოს მილების პერისტალტიკას, რითაც ხელს უშლის ჩანასახის საშვილოსნოსკენ გადაადგილებას; თვით ენდომეტრიუმის აგებულებაშიც იწვევს ისეთ ცვლილებებს, რომ განაყოფიერებული კვერცხუჯრედის შემდგომი განვითარება შეუძლებელი ხდება.

 
redlineთარიღი: ოთხშაბათი, 09.09.2009, 09:02 | შეტყობინება # 4
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
- როგორია კოკების მიღების წესი?

- არსებობს განსაზღვრული კონტრაცეპტიული სქემა: პრეპარატი მიიღება მენსტრუაციის პირველი-მეხუთე დღიდან 21 დღის განმავლობაში, რის შემდეგაც ხდება შვიდდღიანი შესვენება. ასეთი სქემის წყალობით, თუ ქალს აბის მიღება არ დაავიწყდა, დაორსულების შანსი პრაქტიკულად ნულის ტოლია.
კოკი ერთსა და იმავე დროს უნდა მიიღოთ. რომ არ დაგავიწყდეთ, გირჩევთ, მისი მიღება დაამთხვიოთ რომელიმე ჩვეულ, ყოველდღიურ რიტუალს, მაგალითად, კბილების გახეხვას (ტაბლეტები დააწყვეთ კბილის ჯაგრისის გვერდით). თუ მაინც გამოგრჩათ, მომდევნო აბი რაც შეიძლება მალე გადაყლაპეთ, მერე კი მიღება ჩვეულებრივ რეჟიმში განაგრძეთ, ოღონდ ორი დღის განმავლობაში გამოიყენეთ კონტრაცეფციის დამატებითი მეთოდებიც.

- რამდენ ხანს შეიძლება კოკების მიღება?

- ამის შესახებ საერთო აზრი არ არსებობს. ზოგიერთ გინეკოლოგს მიაჩნია, რომ სწორად შერჩეული პრეპარატი ხანგრძლივი მიღების შემთხვევაშიც კი არ იწვევს გართულების რისკს, ამიტომ კონტრაცეფციის ამ მეთოდის გამოყენება შესაძლებელია იმდენ ხანს, რამდენ ხანსაც საჭიროა, ანუ მენოპაუზამდე. შესვენება არამცთუ საჭირო არ არის, არამედ სარისკოც კია, ვინაიდან ამ პერიოდში იმატებს დაორსულების რისკი.


- აბების მიღებიდან რამდენი ხნის შემდეგ შეუძლია ქალს დაორსულება?

- კომბინირებული კონტრაცეპტივების მიღებისას საკვერცხეები ისვენებს. მათი ფუნქციის აღსადგენად დროა საჭირო. ჩვეულებრივ, მოთელვა მოითხოვს 1-3 თვეს. ამ ხნის გასვლის შემდეგ დაორსულების ალბათობა ისეთივეა, როგორიც ქალებში, რომლებიც ჰორმონულ პრეპარატებს არ იღებდნენ. კოკების სწორი გამოყენებისას ჩასახვის უნარი კონტრაცეფციის შეწყვეტისთანავე აღდგება, ოღონდ დაორსულების ალბათობა პირველ ხანებში მცირეა, ხოლო 3-6 თვეში ის 85%-ს აღწევს.

 
redlineთარიღი: ოთხშაბათი, 09.09.2009, 09:03 | შეტყობინება # 5
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
- ორალური კონტრაცეპტივები სამკურნალოდაც ინიშნება...

- ამ პრეპარატებს დადებითი ეფექტი აქვს მენსტრუალური ციკლის სხვადასხვა დარღვევის (არარეგულარული, ჭარბი, მტკივნეული მენსტრუაცია), წინარემენსტრუაციული სინდრომის, საშვილოსნოდან დისფუნქციური სისხლდენების, საკვერცხეების პოლიკისტოზის, ენდომეტრიოზის, ინფანტილიზმის, მასტოდინიის (ციკლური ხასიათის მტკივნეულობა სარძევე ჯირკვლებში) დროს, თუმცა სხვადასხვა ასაკში მკურნალობის პრინციპები სხვადასხვაგვარია. ასე, მაგალითად, საშვილოსნოდან დისფუნქციური სისხლდენა, რომლის მიზეზი საკვერცხეების ჰორმონული დარღვევაა, ჰორმონული პრეპარატებით მკურნალობას საჭიროებს, ეს პათოლოგია კი შეიძლება შეგვხვდეს როგორც პუბერტატულ (12-18 წლის) ასაკში, ისე რეპროდუქციულ (18-45 წელი) და პერიმენოპაუზის (45-55 წელი) პერიოდში. თუ პუბერტატულ და ადრეულ რეპროდუქციულ ასაკში მკურნალობის მიზანი ოვულაციის, საკვერცხეების ციკლური მუშაობის აღდგენაა, პერიმენოპაუზის პერიოდში, პირიქით, ამ ორგანოთა ფუნქციის დათრგუნვა და პოსტმენოპაუზაში გადასვლა გვჭირდება. აქედან გამომდინარე, სხვადასხვა ასაკში სხვადასხვაგვარი მოქმედების მქონე ჰორმონული პრეპარატები ინიშნება. ექიმის გარეშე მათი მიღება დაუშვებელია. უნდა ვიცოდეთ ისიც, რომ:

6-12 თვის განმავლობაში კონტრაცეპტივების მიღება 50%-ით ამცირებს ენდომეტრიუმის და 40%-ით საკვერცხეების კიბოს განვითარების ალბათობას. ამასთანავე, ეფექტი გრძელდება ტაბლეტების მიღების შეწყვეტიდან დაახლოებით 15 წელს.

კომბინირებული კონტრაცეპტივების მიღება აუმჯობესებს სახის კანის მდგომარეობას და ხშირად ინიშნება ფერიმჭამელების დროს, აგრეთვე - სხეულის ჰორმონდამოკიდებულ ადგილებზე (ზედა ტუჩზე, მკერდზე, მუცლის ქვემოთ, თეძოებზე) გათმოვანების შესამცირებლად. ჩვეულებრივ, ეფექტი ვლინდება მკურნალობის დაწყებიდან 6 თვის შემდეგ.

 
redlineთარიღი: ოთხშაბათი, 09.09.2009, 09:05 | შეტყობინება # 6
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
- როდის არ შეიძლება კომბინირებული ორალური კონტრაცეპტივების დანიშვნა?

- ესტროგენ-პროგესტერონული კონტრაცეპტივების მიღების აბსოლუტური უკუჩვენებაა:

ლ თრომბოფლებიტი, თრომბოემბოლია, თავის ტვინის სისხლის მიმოქცევის დარღვევა, გულ-სისხლძარღვთა სისტემის დაავადებები;
ღვიძლის ფუნქციის დარღვევა;
სარძევე ჯირკვლების კიბო;
გაურკვეველი ეტიოლოგიის სისხლიანი გამონადენი სასქესო ორგანოებიდან;
ორსულობა;
ინტენსიური მოწევა 35 წელზე უფროსი ასაკის ქალებში.

- რა გვერდითი ეფექტები შეიძლება განვითარდეს ჰორმონული პრეპარატების მიღებისას?

- ათიდან ორ-სამ შემთხვევაში პირველი სამი თვის განმავლობაში კონტრაცეპტივებმა შესაძლოა გამოიწვიოს გულისრევის შეგრძნება და პირღებინება. ეს სინთეზური ესტროგენის ბრალია. რაც უფრო მაღალია ამ ჰორმონის შემცველობა ტაბლეტებში, მით უფრო დიდია ამ სიმპტომების განვითარების ალბათობაც. გულისრევის შეგრძნება რომ შეასუსტოთ, ტაბლეტები მიიღეთ ძილის წინ ან ჭამის შემდეგ. თუ ამ სიმპტომებმა სამი თვის შემდეგაც შეგაწუხათ, უნდა სცადოთ სხვა კონტრაცეპტივები, რომლებიც შედარებით ნაკლებ ესტროგენს შეიცავს. ქალების 10-30%-ს კონტრაცეპტივების მიღების პირველი სამი თვის განმავლობაში შესაძლოა გაუჩნდეს სისხლიანი გამონადენი. ამავე სიმპტომს უჩივის ქალების 5% პრეპარატის ხანგრძლივი გამოყენების შემდეგ. გამონადენის გაჩენა იმაზე მიუთითებს, რომ აბებმა შეწყვიტა კონტრაცეპტიული მოქმედება. ამ დროს კონტრაცეპტივის დოზა აუცილებლად უნდა შეიცვალოს.

 
redlineთარიღი: ოთხშაბათი, 09.09.2009, 09:06 | შეტყობინება # 7
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
- რამდენ ხანში ერთხელ უნდა მივმართოთ ექიმს, როდესაც ჰორმონულ კონტრაცეპტივებს ვიღებთ?

- თუ ტაბლეტების მიღება ახალი დაწყებული გაქვთ, ექიმთან განმეორებითი ვიზიტი რეკომენდებულია 3 თვის შემდეგ. ეს აუცილებელია, რათა შეფასდეს ორგანიზმის რეაქცია კონტრაცეპტივზე. შემდგომში, თუ არ გაქვთ პათოლოგია, რომელიც საგანგებო დაკვირვებას მოითხოვს, ექიმს წელიწადში ერთხელ უნდა მიმართოთ, ზოგიერთი დაავადების დროს კი შესაძლოა ექიმმა კონსულტაცია უფრო ხშირად დაგინიშნოთ. თუ ჰორმონული მკურნალობის ფონზე თავი იჩინა:
მუცლის ტკივილმა;
გულმკერდის ყაფაზის ტკივილმა;
სუნთქვის გაძნელებამ;
ძლიერმა თავის ტკივილმა;
მხედველობის დარღვევამ;
ფეხების ტკივილმა და შეშუპებამ, - დაუყოვნებლივ უნდა მიმართოთ ექიმს.


- შესაძლოა თუ არა, ორსულობის დადგენამდე კონტრაცეპტივის მიღებამ ნაყოფს ზიანი მიაყენოს?

- კონტრაცეპტივების მიღებასა და ნაყოფის განვითარების მანკებს შორის კავშირი დადგენილი არ არის.

- როგორ მოვიქცეთ, თუ ტაბლეტების მიღებისას მენსტრუაციამ დაიგვიანა?

- პირველ რიგში ორსულობა უნდა გამორიცხოთ. თუ პასუხი უარყოფითი აღმოჩნდა, შეგიძლიათ, ჩვეულ რეჟიმში განაგრძოთ ტაბლეტების მიღება.

 
redlineთარიღი: ოთხშაბათი, 09.09.2009, 09:07 | შეტყობინება # 8
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
- როგორ მოვიქცეთ, თუ ტაბლეტების მიღებისას მენსტრუაციამ დაიგვიანა?
- პირველ რიგში ორსულობა უნდა გამორიცხოთ. თუ პასუხი უარყოფითი აღმოჩნდა, შეგიძლიათ, ჩვეულ რეჟიმში განაგრძოთ ტაბლეტების მიღება.

- უნდა შეწყდეს თუ არა ტაბლეტების მიღება, თუ ქალს ქირურგიული ოპერაცია დასჭირდა?

- დიახ, კომბინირებული კონტრაცეპტივების მიღება გეგმურ ოპერაციამდე 4 კვირით ადრე უნდა შეწყდეს, რათა შემცირდეს პოსტოპერაციული თრომბოზის განვითარების ალბათობა.

- როგორია ჰორმონული ტაბლეტების ურთიერთქმედება სხვა მედიკამენტებთან?

- ჰორმონული პრეპარტების პარალელურად სხვა მედიკამენტების (ანტიბიოტიკების, კრუნჩხვის საწინააღმდეგო საშუალებების) მიღებამ შესაძლოა ჰორმონული კონტრაცეპტივების ეფექტი შეამციროს.

 
redlineთარიღი: ოთხშაბათი, 09.09.2009, 09:07 | შეტყობინება # 9
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
- რა სახით ხდება ჰორმონების გამოყენება კლიმაქტერიულ პერიოდში?

- კლიმაქტერიულ პერიოდში ჰორმონების გამოყენებას ხშირად ჰორმონოთერაპიას უწოდებენ. სინამდვილეში ეს არის ჩანაცვლებითი ჰორმონოთერაპია - ორგანიზმში შეჰყავთ ჰორმონები, რომლებიც ავსებს მენოპაუზის შედეგად აღმოცნებულ დეფიციტს. ამგვარად, აღდგება ჰორმონული წონასწორობა, რომელიც ორგანიზმში მენოპაუზამდე არსებობდა. უნდა ვიცოდეთ ისიც, რომ ჩანაცვლებითი ჰორმონოთერაპიისთვის, კონტრაცეფციისგან განსხვავებით, ბუნებრივ ესტროგენებს იყენებენ.
ბუნებრივი ესტროგენები შესაძლოა გამოყენებულ იქნეს საინექციო ფორმით, ტაბლეტების (კლიმენი, კლიმოდიენი, კლიმონორმი და სუფთად ბუნებრივი - ფემასტონი) ან პლასტირების სახით. პლასტირი, დოზის შესაბამისად, კვირაში ერთხელ ან ორჯერ იცვლება. ესტროგენშემცველი ჟელის (ესტროჟელი, კლიმარა) ყოველდღიური წაცხება ხელისგულისოდენა არეზე ისეთსავე ეფექტს ახდენს, როგორსაც პლასტირის გამოყენება.

როგორც გითხარით, ესტროგენები ხელს უწყობს საშვილოსნოს ლორწოვანის ზრდას. მათი მასტიმულირებელი ეფექტის შესაჩერებლად ამჟამად მიღებულია მათთან ერთად ქალის მეორე სასქესო ჰორმონის, პროგესტერონის ეფექტის მქონე გესტაგენების გამოყენება. ამასთანავე, აბები ინიშნება მენსტრუალური ციკლის შესაბამისად: I ფაზაში - ესტროგენების, II ფაზაში კი გესტაგენების სიჭარბით, რაც ქმნის ხელოვნურ მენსტრუაციულ ციკლს ყოველთვიური მენსტრუაციით, მაგრამ კლიმაქსის პერიოდში, განსაკუთრებით მენოპაუზიდან რამდენიმე წლის შემდეგ, მენსტრუაცია ბევრ ქალს არ მოსწონს. ასეთ შემთხვევაში იყენებენ ჩანაცვლებითი ჰორმონოთერაპიის მეორე სქემას - ესტროგენებისა და გესტაგენების ერთდროულ მიღებას მუდმივ რეჟიმში. ასეთი სქემით გამოყენებისას გესტაგენები ახდენს დამცავ ეფექტს საშვილოსნოს ლორწოვანზე.

- რამდენ ხანს გრძელდება ჩანაცვლებითი ჰორმონოთერაპია?

- თუ თერაპია ტარდება კლიმაქსის მხოლოდ სუბიექტური გამოვლინებების (ალები, დეპრესია და სხვა) გამო, შესაძლოა, 3-5 წელიწადს გაგრძელდეს, ხოლო თუ მიზანი ჰორმონთა დეფიციტით გამოწვეული ძვლოვანი და გულსისხლძარღვოვანი პათოლოგიების თავიდან აცილებაა - უფრო მეტხანს, 10-15 წლის განმავლობაში, ზოგჯერ - სიცოცხლის ბოლომდეც კი.

 
redlineთარიღი: ოთხშაბათი, 09.09.2009, 09:08 | შეტყობინება # 10
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
- ქალი შესაძლოა მენოპაუზის ახლო პერიოდშიც დაორსულდეს. იცავს თუ არა არასასურველი ორსულობისგან ჩანაცვლებითი ჰორმონოთერაპია?

- ბუნებრივი ესტროგენები ქალს არასასურველი ორსულობისაგან არ იცავს, ამიტომ ამ პერიოდში მიზანშეწონილია სხვა ჩასახვის საწინააღმდეგო საშუალებების (სპირალის, პრეზერვატივის, ქირურგიული სტერილიზაციის) გამოყენება. დაორსულება უმთავრესად მენსტრუაციის შეწყვეტიდან პირველ წელს არის მოსალოდნელი, თუმცა იმის დასაზუსტებლად, ხდება თუ არა კვერცხუჯრედის მომწიფება, სპეციფიკური გამოკვლევაა საჭირო.


- იწვევს თუ არა ჰორმონული თერაპია წონის მატებას?

- როგორც დაკვირვებამ აჩვენა, ჩანაცვლებითი ჰორმონოთერაპიის დასაწყისში ქალები სწრაფად იმატებენ 2-3 კგ-ს, მაგრამ მოკლე ხანში წონის კლება იწყება, ხოლო რამდენიმე თვეში ქალები, რომლებიც ჰორმონებს იღებენ, წონით ჩამოუვარდებიან კიდეც იმ ქალებს, რომლებიც ჰორმონოთერაპიას არ იტარებენ.

- მოზარდისთვის ჰორმონული პრეპარატის დანიშვნა მშობლებს აშფოთებს...

- ჰორმონოთერაპიის კეთილისმყოფელი ზემოქმედება საკვერცხეების ფუნქციაზე კვლევებით და კლინიკური დაკვირვებებით არის დადასტურებული. მიუხედავად ამისა, ჰორმონოთერაპიის შიში ჩვენში ჯერ კიდევ არსებობს. ჰორმონული პრეპარატები აუცილებელია გოგონების ნაადრევი სქესობრივი მომწიფების დასათრგუნავად. გონადების დისფუნქციის დროს მიმართავენ ჰორმონებით ჩანაცვლებით თერაპიას. მისი მიზანია სხეულის ფემინიზაცია, სქესობრივი გათმოვანების განვითარება, სარძევე ჯირკვლებისა და საშვილოსნოს ენდომერტიუმში ციკლური ცვლილებების ამოქმედება.
პუბერტატულ პერიოდში ქალიშვილებს ხშირად აწუხებთ ფერიმჭამელები, გამონაყარი, ჰირსუტიზმი (მამაკაცური ტიპის გათმოვანება), რაც თირკმელზედა ჯირკვლების ქერქის ანდროგენული ფუნქციის აქტივაციით არის გამოწვეული. ამ დროს ინიშნება პრეპარატები, რომლებიც ანდროგენების მეტაბოლიზმზე მოქმედებს, მათ პროდუქციას თრგუნავს.

 
redlineთარიღი: ოთხშაბათი, 09.09.2009, 09:09 | შეტყობინება # 11
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
- რომელი ჰორმონული პრეპარატები სჭირდებათ ქალებს ორსულობის დროს და რისთვის?
- ორსულობა ჰორმონდამოკიდებული პროცესია. მასში სხვადასხვა ჰორმონი მონაწილეობს. ჰორმონული პრეპარატების დანიშვნა აუცილებელია მაშინ, როდესაც ორგანიზმში ჰორმონების გამომუშავება დათრგუნულია ან ჰორმონული დისბალანსი - ზოგიერთის სიჭარბე და სხვების ნაკლებობა აღინიშნება.
ყვითელი სხეულის ფუნქციის უკმარისობის დროს, რაც სპონტანური აბორტის გავრცელებული მიზეზია, ოპტიმალურ პრეპარატებად ითვლება დიუფასტონი და უტროჟესტანი. ისინი ინიშნება ორსულობის მე-12-მე-16 კვირამდე, პლაცენტის ჩამოყალიბებამდე. სხვა პროგესტერონშემცვლელი ჰორმონული პრეპარატებისგან განსხვავებით, დიუფასტონი ტესტოსტერონის წარმოებულია, ამიტომ არ იწვევს ნაყოფში საპირისპირო სქესის მეორეული სქესობრივი ნიშნების განვითარებას.
გახსოვდეთ: ნებისმიერ ასაკში ჰორმონები პროფესიონალმა უნდა დაგინიშნოთ. უმნიშვნელო შეცდომაც კი გვერდით მოვლენებს იწვევს. ჰორმონული პრეპარატები უნდა დაინიშნოს გამოკვლევის შემდეგ და მკაცრი სქემით. პროგესტერონის პრეპარატები ძილიანობას იწვევს, ამიტომ ქალებმა, რომლებიც ღებულობენ ამ ჰორმონებს, არ ღირს მართონ მანქანა.

ნანა ხუცაიძე mkurnali.ge

 
ფორუმი » ზოგადი » ორსულმა ეს უნდა იცოდეს » ქალი და ჰორმონული პრეპარატები
  • გვერდი 1 დან
  • 1
ძებნა:

RSS

შესვლის ფორმა

სტატისტიკა

baner

Бесплатные медицинские книги

call me

My status