ოთხშაბათი, 18.05.2022, 08:51
მოგესალმები სტუმარი | რეგისტრაცია | შესვლა

medic

პირის ღრუს კიბო - ფორუმი

[ ახალი შეტყობინებები · მონაწილეები · ფორუმის წესები · ძებნა · RSS ]
  • გვერდი 1 დან
  • 1
ფორუმი » ზოგადი » ონკოლოგია » პირის ღრუს კიბო
პირის ღრუს კიბო
redlineთარიღი: სამშაბათი, 24.02.2009, 18:37 | შეტყობინება # 1
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline

პირის ღრუს კიბო გახლავთ ტუჩების, პირის ღრუსა და პირის ღრუს საყლაპავი მილის ნაწილის ავთვისებიანი სიმსივნე; აღნიშნულ ცნებაში არ იგულისხმება სანერწყვე ჯირკვლების, ჰიპოფარინქსისა (ქვედა საყლაპავი მილის) და ცხვირ-ხახის კიბო.

პირის კიბოს დაავადებათა 90% ბტრყელუჯრედოვან კარცინომას წარმოადგენს და პირის ღრუს შიდა დაზიანებული ადგილები საერთო სახის რისკ ფაქტორის მაჩვენებელია. აღნიშნული ადგილების გამოვლინება ადვილი შესაძლებელია პირისა და პირის ღრუს სამედიცინო შემოწმებით. პირის კიბო მსოფლიო მასშტაბითაა გავრცელებული და ავთვისებიან სიმსივნეთა შორის იგი რიგით მერვე ადგილს იკავებს.

1970-იანი წლების პირველი ნახევრიდან მოყოლებული, პირის კიბოს რიცხობრივი მაჩვენებელი მკვეთრად გაიზარდა. 1090-99 წლების პერიოდში აღნიშნული დაავადების შემთხვევათა რაოდენობა 34%-ით გაიზარდა შოტლანდიაში, დაავადება აღინიშნებოდა როგორც მდედრობითი, ისე მამრობითი სქესის პაციენტებში. დაავადების მატება განსაკუთრებით ახალგაზრდობაში ფიქსირდებოდა; სავარაუდო მიზეზად, ალკოჰოლური სასმელებისა და თამბაქოს სხვადასხვა სახეობების მონაცვლეობით მიღებას ასახელებდნენ.

პირის კიბოს ეტიოლოგია კომპლექსურია. ეპიდემიოლოგიური კვლევების ადასტურებს, რომ პროდასავლური ქვეყნებისათვის აღნიშნული დაავადების ძირითად განმსაზღვრელ ფაქტორს სწორედ თამბაქოსა და ალკოჰოლური სასმელების მიღება წარმოადგენს. ცალკე აღებული ორივე ფაქტორი გაცილებით ზრდის პირის კიბოს რისკს, თუ სახეზე გვაქვს პაციენტის მიერ ალკოჰოლსა თუ თამბაქოზე "დოზა-ეფექტი" სახის ძლიერი დამოკიდებულება. პირის ავთვისებიანი კიბოს რისკი ზემო აღნიშნული ორივე ნაწარმის ერთდროულად მიღებისას უფრო მეტად იზრდება, ვიდრე რაიმე ფაქტორის დამატებისას. ამდაგვარი ფაქტორებია:

თამბაქო
ალკოჰოლი
გარკვეული სახის საკვები ნივთიერებები
ინფექციის გამომწვევი მიზეზები
ტრანსფორმირებული გენები (ონკოგენები)
ლორწოვანი გარსის წინმსწრები ანომალიები
სხვა ფაქტორები

 
redlineთარიღი: სამშაბათი, 24.02.2009, 18:37 | შეტყობინება # 2
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
სიმპტომები

მცირე ზომის კარცინომა, შესაძლოა, უმტკივნეულოდ მიმდინარეობდეს და აღნიშნულის მკურნალობა მხოლოდ პირის ღრუს მსუბუქი გამორეცხვით შემოიფარგლოს. ამდაგვარი დაზიანებები ხშირად კბილების ჩვეულებრივი, რუტინული სამედიცინო შემოწმების დროსაც ვლინდება, თუმცა, კბილების ჩვეულებრივი სამედიცინო შემოწმება, რაშიც პირის ღრუს რბილი ქსოვილების საფუძვლიანი დათვალიერებაც შედის, არასოდეს უნდა შევაფასოთ გადაჭარბებულად და კიბოს დიაგნოსტიკისას მხოლოდ ამდაგვარი შემოწმების შედეგებს არ უნდა დავეყრდნოთ.

პირის ღრუში რაიმე პრობლემის აღმოჩენიდან პაციენტთა უმრავლესობა, რატომღაც, სამი თვით, ზოგჯერ კი მეტი ხნითაც აგვიანებს ექიმთან ვიზიტს პროფესიული კონსულტაციების მისაღებად, კონსულტაციების დროს კი ძირითადად პირის ღრუს გაღიზიანებასა და ტკივილებს უჩივიან. ენის ბტრყელუჯრედოვანი კარცინომა ხშირად შეუხორცებადი წყლულის ან ქსოვილთა ხერცმეტის სახით ვლინდება. მეტყველების ან ღეჭვის დროს ენის მოძრაბას თან ახლავს ტკივილი, რაც აღნიშნული დაავადების საერთო სიმპტომს წარმოადგენს.

პაციენტები პირის ღრუს მთელ რიგ სიმპტომებს უჩივიან. ასეთი სიმპტომები დროის მიხედვით ეტაპებად იყოფა, კერძოდ:

 
redlineთარიღი: სამშაბათი, 24.02.2009, 18:38 | შეტყობინება # 3
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
ადრეული:
რაიმე თეთრი, წითელი დაფერილობის ან ჭრელი ლაქა;
შეუხორცებადი წყლული ან ტკივილის შეგრძნება;
რაიმე სახის გამაგრება ან გამკვრივება;
მუდმივი ტკივილის შეგრძნება და დისკომფორტი

გვიანდელი:

პირის ღრუს ლორწოვანი გარსის გამოვლინებები
პირის რაიმე ნაწილის გამობერვა, რამაც, შესაძლოა, კბილების წყობის გაუარესება ან დისკომფორტი გამოიწვიოს
ენის და ყბის მოძრაობის გაძნელება
ღეჭვისა და ყლაპვის გაძნელება
ენის ან პირის რომელიმე სხვა ნაწილის გახევება
გამაგრება კისერში ან ქვედა ყბის ქვეშ
ფუნქციონირების ან ჩვეულებრივ ანატომიაში გამოვლენილი რაიმე სახეცვლილება ნამდვილად საჭიროებს ახსნას. აქედან გამომდინარე, შემდგომი გამოკვლევა აუცილებელია, თუ სახეზე გრძნობის ორგანოებისა თუ მოძრაობის დისფუნქცია და მეტყველებისა და ღეჭვის გაძნელების მკვეთრად გამოხატული ნიშნები გვაქვს.

პირველადი სამედიცინო დახმარების ყველა მუშაკს გააზრებული უნდა ჰქონდეს საკუთარი როლი და მნიშვნელობა იმ პაციენტთა დაავადების დადგენისა და მათი სათანადო დანიშნულების სამედიცინო დაწესებულებაში წარგზავნის დროს, რომლებიც პირის ღრუს ლორწოვანი გარსის პრობლემა სამ კვირაზე მეტი ხნის პერიოდით აღენიშნებათ.

 
ფორუმი » ზოგადი » ონკოლოგია » პირის ღრუს კიბო
  • გვერდი 1 დან
  • 1
ძებნა:

RSS

შესვლის ფორმა

სტატისტიკა

baner

Бесплатные медицинские книги

call me

My status