22 წლის ასაკში გონებრივი შესაძლებლობების მაქსიმუმის მიღწევის შემდეგ იწყება მისი დაქვეითება 27 წლის ასაკიდან, რაც დაბერების პროცესის დაწყების მიმანიშნებელია, იტყობინებიან აშშ-ის მკვლევარები.
პროფესორმა ტიმოთი სალთოუზმა (Timothy Salthouse) ვირჯინიის უნივერსიტეტიდან აღმოაჩინა, რომ განსჯის, სივრცითი ორიენტაციის და გონებრივი სისხარტის უნარის დაქვეითდება იწყება 30 წლის ასაკთან ახლოს.
მისივე თქმით, მკურნალობა, რომელიც მოწოდებულია ასაკობრივი ცვლილებების შეჩერებისთვის ან უკუქცევისთვის, საჭიროებს ბევრად უფრო ადრე დაწყებას.
მკვლევარმა შვიდი წლის მანძილზე შეისწავლა 18-60 წლის ასაკის 2000 ჯანმრთელი ადამიანი და შედეგები გამოაქვეყნა ჟურნალში Neurobiology of Aging.
მენტალური სისხარტის გამოსავლენად კვლევის მონაწილეებს უნდა ამოეხსნათ თავსატეხები, დაემახსოვრებინათ სიტყვები და ტექსტების დეტალები და ამოეცნოთ ასოები და სიმბოლოები.
”გონებრივი შესაძლებლობების ბუნებრივი დაქვეითება იწყება ბევრად უფრო ადრე ვიდრე ამას ვარაუდობდით”- ამბობს რებეკა ვუდი (Rebecca Wood) ალცჰეიმერის დაავადების კვლევის ფონდიდან.
იგივე ტესტებია გამოყენებული ექიმების მიერ დემენციის განსაზღვრისთვის.
12 ტესტიდან 10-ში უმაღლესი მაჩვენებლები გამოავლინეს საშუალოდ 22 წლის ასაკის პირებმა.
გონებრივი სისხარტის, განსჯის და სივრცითი ორიენტაციის მიხედვით უნარის დაქვეითება პირველად შეინიშნება 27 წლის ასაკის პირებში.
მახსოვრობის უნარი უცვლელი რჩებოდა საშუალოდ 37 წლის ასაკამდე, მაშინ როდესაც ტესტების შედეგების მიხედვით ცოდნის აკუმულაციის უნარის მატება შეიმჩნეოდა 60 წლამდე.
რებეკა ვუდი ამბობს: ”იმის ამოცნობა, თუ როგორ ხდება ჯანსაღი ტვინის შესაძლებლობების დაქვეითება დაგვეხმარება იმ ცვლილებების დადგენაში, რომელსაც ადგილი აქვს ისეთი სერიოზული დაავადების დროს, როგორიცაა ალჰეიმერის დაავადება.
ეს დაავადება არ არის დაბერების ბუნებრივი თანმხლები პროცესი. ეს არის ფიზიკური დაავადება, რომელიც კლავს ათი ათასობით ტვინის უჯრედებს, რომელთა ასაკი ზოგჯერ 65 წელზე ნაკლებიცაა.
ბევრად მეტი კვლევების ჩატარებაა საჭირო, იმ უამრავ ადამიანთა დასაიმედებლათ, რომელთა მდგომარეობა დღეს განუკურნებლად ითვლება”.