| redline | თარიღი: სამშაბათი, 14.04.2009, 00:08 | შეტყობინება # 1 |
 Admin
ჯგუფი: Администраторы
შეტყობინებები: 1214
სტატუსი: Offline
| შვედური ქალაქ ფალუნის ფსიქიატრიული კლინიკის თანამშრომლის სესილია რასტადის მიერ ჩატარებულმა ახალმა კვლევამ დაამტკიცა, რომ სინათლით მკურნალობა ნამდვილად დადებითად მოქმედებს ბოლო წლებში საკმაოდ გავრცელებული პათოლოგიის სეზონური დეპრესიის დროს (მისი ინგლისური აბრევიატურაა SAD - seasonal affective disorder).
დოქტორის სიტყვებით, შვედეთის ყოველი მეხუთე მცხოვრები დაავადებული ამ დაავადებით, რომელიც გამოვლინდება გაღიზიანებადობით, უხასიათობით, დაღლილობით, სასიცოცხლო ტონუსის დაქვეითებით, ჭარბი ძილიანობით.
მეცნიერები ადრეც ვარაუდობდნენ, რომ ამ სიმპტომების აღმოცენებისას სინათლეს დადებითი ზეგავლენის მოხდენა შეუძლია ორგანიზმზე, თუმცა ყველა ადრინდელი კვლევა, რომლებიც მიეძღვნა სინათლით თერაპიას, იგივე ფოტოთერაპიას, ატარებდა მხოლოდ და მხოლოდ საწყის ხასიათს.
რესტადის მიერ მიღებული მონაცემები ეფუძნებოდა 50 პაციენტის მონაცემებს, რომლებსაც აღენიშნებოდათ სეზონური (ზამთრის) დეპრესია. მათი ნაწილი 10 დღის განმავლობაში, ყოველდღიურად იტარებდა სინათლის ზემოქმედების 90-120- წუთიან სეანსს. 24 პაციენტიდან 13-მა თავი მნიშვნელოვნად უკეთესად იგრძნო. ექსპერიმენტის მონაწილეთა უმრავლესობას კარგი თვითგრძნობა მკურნალობის კურსის დასრულებიდან ერთი თვის შემდეგაც შეუნარჩუნდა.
როგორც მკვლევარი ფიქრობს, სინათლით თერაპია ზემოქმედებს ორგანიზმში ჰორმონ მელატონინის შემცველობაზე, რომელიც სიცოცხლის რიტმის მომნიჭებელია, რის შედეგადაც ორგანიზმის თავისებურ მოტყუებას აქვს ადგილი: ორგანიზმი ”იჯერებს”, რომ გარეთ დღეა, მცირდება მელატონინის დონე, და ადამიანი თავს უფრო მხნედ და ენერგიულად გრძნობს. თუმცა, მიუხედავად დადებითი შედეგებისა, ჯანდაცვის ტექნიკური შეფასების შვედური საბჭო ჯერჯერობით არ ჩქარობს სეზონური დეპრესიის სამკურნალოდ სინათლის გამოყენებისათვის რეკომენდაციების შემუშავებას და თვლის, რომ ეს საკითხი დამატებით გამოკვლევას საჭიროებს. http://Ami-tass.ru 2009.04.13
|
| |
| |
