კვლევამ LIFE აჩვენა, რომ QRS-კომპლექსის ხანგრძლივობის გაზრდა არტერიული ჰიპერტენზის მქონე იმ პაციენტებში, რომლებიც იტარებენ ანტიჰიპერტენზიულ თერაპიას, დამოუკიდებლად არის ასოცირებული უეცარი სიკვდილის რისკის ზრდასთან.
Peter Okin (Weill Cornell Medical College, New York, აშშ) კოლეგებთან ერთად გაანალიზა კვლევის LIFE შედეგები, რომელშიც მონაწილეობდა არტერიული ჰიპერტენზიისა და მარცხენა პარკუჭის ჰიპერტროფიის ეკგ-ნიშნების მქონე 9193 პაციენტი. ისინი რანდომიზებულნი იყვნენ ლოზარტანისა და ატენოლოლის ჯგუფებში. ადრინდელმა კვლევებმა აჩვენა გულ-სისხლძარღვთა სისტემის მხრივ საბოლოო წერტილების დამაჯერებელი დაქვეითება ლოზარტანის ჯგუფში. მოცემული კვლევის ფარგლებში გაიხილებოდა ასოციაცია QRS-კომპლექსის ხანგრძლივობასა და უეცარი სიკვდილის რისკს შორის. როგორც ანალიზმა აჩვენა, QRS-კომპლექსის ხანგრძლივობის მატება ყოველი 10 მწმ-ით, ასოცირდებოდა უეცარი სიკვდილის შედარებითი რისკის 17%-ით ზრდასთან.
მეცნიერების აზრით, საკითხი საჭიროებს შემდგომ შესწავლას. კერძოდ, გასარკვევია, წარმოადგენს თუ არა QRS-კომპლექსის გაფართოება მხოლოდ სიკვდილის რისკის მარკერს, თუ ის ასევე შეიძლება განიხილებოდეს, როგორც მკურნალობის შესაძლო მიზანი (Eur Heart J 2009; 30: 2908–2914).
medportal.ge