ხუთშაბათი, 28.03.2024, 21:46
მოგესალმები სტუმარი | რეგისტრაცია | შესვლა

medic

სამედიცინო ტესტი - ფორუმი

[ ახალი შეტყობინებები · მონაწილეები · ფორუმის წესები · ძებნა · RSS ]
  • გვერდი 1 დან
  • 1
ფორუმი » ზოგადი » სამედიცინო ტესტი » სამედიცინო ტესტი
სამედიცინო ტესტი
redlineთარიღი: ოთხშაბათი, 18.03.2009, 16:03 | შეტყობინება # 1
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
მოცემული კითხვარით ფასდება პიროვნების უნარი, ობიექტურად დაახასიათოს ადამიანები, მათი დადებითი და უარყოფითი მხარეები. კითხვარი აღწერს 12 სხვადასხვა სიტუაციას, რომლებიც დაკავშირებულია ადამიანთა აღქმასა და შეფასებასთან. თითოეულ ამ სიტუაციაზე სხვადასხვაგვარად შეიძლება რეაგირება. სამი შესაძლო ვარიანტიდან შეარჩიეთ ერთი.

1) როგორ აფასებთ ადამიანებს, რომლებიც ყოველთვის მკაცრად იცავენ კარგი ტონის წესებს?

ა) ეს ადამიანები თავაზიანები არიან, მათთან ურთიერთობა სასიამოვნოა;
ბ) მკაცრად არიან აღზრდილნი;
გ) არ არიან გულახდილნი, ჭეშმარიტ ხასიათს თავაზიანობით ნიღბავენ.

2) იცნობთ ცოლ-ქმარს, რომელიც არასოდეს ჩხუბობს. ფიქრობთ, რომ:

ა) ისინი ბედნიერნი არიან:
ბ) გულგრილნი არიან ერთმანეთის მიმართ;
გ) ერთმანეთს არ ენდობიან, თავიანთ ურთიერთდამოკიდებულებას უცხო თვალს უმალავენ.

3) გაიცანით ადამიანი, რომელმაც გაცნობისთანავე დაიწყო ანეკდოტების მოყოლა, ენამახვილობა. როგორია ის თქვენი აზრით?

ა) ხუმარა, სიტყვამოსწრებული;
ბ) თავდაჯერება აკლია და ცდილობს, ამ გზით დააღწიოს თავი უხერხულობას;
გ) უბრალოდ, სურს, კარგი შთაბეჭდილება მოახდინოს.

4) ესაუბრებით ვიღაცას თემაზე, რომელიც ორივეს გაინტერესებთ. თანამოსაუბრე გაცხოველებით იშველიებს ჟესტებს. თქვენი აზრით, რაზე მეტყველებს ეს?

ა) შინაგან მღელვარებაზე;
ბ) გადაღლაზე;
გ) თვალთმაქცობაზე.

5) გადაწყვიტეთ, უკეთ გაიცნოთ რომელიღაც ნაცნობი. მიგაჩნიათ, რომ უმჯობესია:

ა) მიიწვიოთ წვეულებაზე;
ბ) დააკვირდეთ საქმეში;
გ) ნახოთ, როგორია კონფლიქტურ, ემოციურად დაძაბულ სიტუაციაში.

6) აღმოჩნდით რესტორანში ადამიანთან ერთად, რომელიც მეტისმეტად ბევრ თანხას უტოვებს ოფიციანტს. როგორ ფიქრობთ, რატომ იქცევა იგი ასე?

ა) სურს, ირგვლივ მყოფებზე შთაბეჭდილება მოახდინოს;
ბ) სურს, ოფიციანტის ნდობა მოიპოვოს;
გ) უბრალოდ ხელგაშლილია.

7) იცნობთ ადამიანებს, რომლებიც თავად არასოდეს იწყებენ საუბარს. თქვენი აზრით, როგორები არიან ისინი სინამდვილეში?

ა) ჩაკეტილნი. სიტყვაძუნწობენ, რათა თავი არ გასცენ;
ბ) მეტისმეტად მოკრძალებულნი;
გ) ეჭვიანნი, მიუნდობელნი. შიშობენ, რომ რაღაც ისეთი წამოსცდებათ, რითაც გულისწყრომას გამოიწვევენ.

8) ზოგი მხოლოდ იერითაც კი შეიძლება შეაფასო. თქვენი აზრით, რისი ნიშანია დაბალი შუბლი?

ა) სისულელის;
ბ) სიჯიუტის;
გ) კონკრეტულს ვერაფერს გეტყვით.

9) რას ფიქრობთ იმ ადამიანზე, რომელიც თანამოსაუბრეს თვალს არიდებს?

ა) არასრულფასოვნების კომპლექსი აქვს;
ბ) თვალთმაქცობს;
გ) მეტისმეტად დაბნეულია.

10) ალბათ იცნობთ ადამიანებს, რომლებიც უსიამოვნების შემთხვევაში აცხადებენ, რომ ამას წინასწარ გრძნობდნენ, მაგრამ არაფერი იღონეს, რადგან უსიამოვნებაში გახვევა არ სურდათ. როგორ დაახასიათებდით მათ?

ა) ნებისყოფიანი ადამიანები არიან;
ბ) ამქვეყნად ყველაფერი ფეხებზე ჰკიდიათ;
გ) ტრაბახობენ, ეს არის და ეს.

11) წარმოიდგინეთ ადამიანი, რომელიც საკმაოდ შეძლებულია, მაგრამ ყოველთვის იაფფასიან ნივთებს ყიდულობს. როგორ ფიქრობთ, რატომ იქცევა ასე?

ა) თავმდაბალი და უპრეტენზიოა;
ბ) ხელმომჭირნეა;
გ) წუწურაქია.

12) წარმოიდგინეთ, რომ ადამიანების გარეგნობით შეფასება გთხოვეს. რას იტყვით მსუქნებზე?

ა) სიმპათიურები არიან, კონტაქტურები, კეთილები და მხიარულები;
ბ) არცთუ ისე სიმპათიურები არიან, თითქმის ყველა აპათიური და ზარმაცია;
გ) სხვებისგან არაფრით განსხვავდებიან, მათ შორისაც გვხვდებიან კარგებიც და ცუდებიც.

 
redlineთარიღი: ოთხშაბათი, 18.03.2009, 16:04 | შეტყობინება # 2
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
40 და მეტი ქულა - ადვილად იქმნით წარმოდგენას ადამიანებზე, თუმცა თქვენს შეფასებებში ჭარბობს სუბიექტური კომპონენტი. მეტისმეტად თავდაჯერებული ბრძანდებით.

31-დან 39 ქულის ჩათვლით - ობიექტურად აფასებთ ადამიანებს და, რაც მთავარია, შეცდომების აღიარებისა არ გეშინიათ.

21-დან 30 ქულის ჩათვლით - ყოველთვის არ ხართ დარწმუნებულნი საკუთარ შეხედულებათა მართებულობაში. ხშირად არაობიექტურობასაც იჩენთ, რადგან იოლად ექცევით სხვების გავლენის ქვეშ.

ქულები დააჯამეთ ცხრილის მიხედვით

ავტორი: თინათინ გოცაძე mkurnali.ge

 
ფორუმი » ზოგადი » სამედიცინო ტესტი » სამედიცინო ტესტი
  • გვერდი 1 დან
  • 1
ძებნა:

RSS

შესვლის ფორმა

სტატისტიკა

baner

Бесплатные медицинские книги

call me

My status