ორშაბათი, 27.06.2022, 14:03
მოგესალმები სტუმარი | რეგისტრაცია | შესვლა

medic

რამდენიმე სტატიის,გამოხმაურების ნაკრები - ფორუმი

[ ახალი შეტყობინებები · მონაწილეები · ფორუმის წესები · ძებნა · RSS ]
  • გვერდი 1 დან
  • 1
ფორუმი » ზოგადი » ფსიქოლოგის კონსულტაცია » რამდენიმე სტატიის,გამოხმაურების ნაკრები
რამდენიმე სტატიის,გამოხმაურების ნაკრები
redlineთარიღი: სამშაბათი, 14.04.2009, 19:13 | შეტყობინება # 1
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
დეპრესია საკმაოდ გავრცელებული პრობლემაა. მოსახლეობის მნიშვნელოვან ნაწილს გამოცდილი აქვს დეპრესია სხვადასხვა ფორმით და სიღრმით.. ზოგი ადამიანი მძიმე ქრონიკული დეპრესიით იტანჯება, ზოგს კი უმნიშვნელო დეპრესიული რეაქციები ახასიათებს,რომლებიც ცხოვრებისეული სტრესიდან გამომდინარეობს. ძალიან ბევრი მიიჩნევს,რომ დეპრესია და სტრესი არის შემდეგი:როცა ადამიანს სურვილი არ აქვს იკონტაქტოს გარემოსთან,ჩაკეტილია,დასტირის თავის ბედს და ა.შ. ესაა მძიმე ქრონიკული დეპრესიის მანიშნებელი,მაგრამ როგორც ზემოთ დაიწერა,არსებობს დეპრესიის მსუბუქი ფორმებიც.მაგალითად ,ჩვენ შეიძლება არ მოგვწონდეს ჩვენი მობილური ტელეფონი,მაგრამ ყოველდღიურად მისი გამოყენება გვიწევს.შედეგად ჩნდება სტრესი.შეგახსენებთ ზემოთ დაწერილს-‘’დეპრესიული რეაქციები,რომლებიც ცხოვრებისეული სტრესიდან გამომდინარეობს’’.ჩვენი მაგალითიც ხომ მსუბუქი დეპრესიის მანიშნებელია?
ბოლო პერიოდში დეპრესია ან სტრესი თითქმის ყველა ადამიანს აწუხებს..ასე ვთქვათ ,ქვეყანაში გლობალური დეპრესიაა.

დეპრესია, სხვა ფსიქიურ მოშლილობებთან ერთად, მძიმე ქრონიკულ დაავადებათა რიცხვს მიეკუთვნება. იგი ხანგრძლივი მიმდინარეობით და გამწვავების ხშირი ეპიზოდებით ხასიათდება. საქართველოს დაავადებათა კონტროლისა და სამედიცინო სტატისტიკის ეროვნული ცენტრის მონაცემებით, მოსახლეობაში დეპრესიის გავრცელება 15 პროცენტიდან 25 პროცენტამდე მერყეობს. ასეთი ფსიქიური მდგომარეობა კონტროლირებადია და შემთხვევათა 80-90 პროცენტი განკურნებას ექვემდებარება.

ამ დაავადების გამოვლენა 18 წლის ზემოთ ჩნდება. თუმცა ეს არ ნიშნავს, რომ მანამდე დეპრესიის ნიშნები არ შეიძლება არსებობდეს. მაგალითად, არის ბავშვების ერთი კატეგორია, რომელსაც სკოლაში სიარული არ უნდათ და ყველანაირად ცდილობენ, თავი აარიდონ სკოლაში წასვლას. არსებობს შეხედულება, რომ ასეთი შემთხვევები ბავშვებში დეპრესიის დებიუტია. საფიქრებელია, რომ ასეთ ბავშვებს შემდგომში აღმოაჩნდებათ დეპრესიის ნიშნები. საერთოდ, ხასიათის მოშლილობა ყველა ასაკში შეიძლება განვითარდეს. შესაძლოა, მან მშობიარობის ან ცხოვრებაში მომხდარი რომელიმე მნიშვნელოვანი მოვლენის შემდეგ იჩინოს თავი. ამდენად, ერთმნიშვნელოვნად ძნელია საუბარი დეპრესიულ ასაკზე, 20 წლის ზემოთ კი უკვე არის ხასიათის მოშლილობის ჩამოყალიბების რისკი.

ფსიქოლოგიური ტიპი, ტემპერამენტი თუ სხვა პიროვნული ნიშანი გარკვეულწილად მასზე გავლენას ახდენს. პასიურ, საკუთარ თავში ჩაკეტილ ადამიანს შეიძლება უფრო განუვითარდეს დეპრესია, ვიდრე სანგვინიკებს ანუ აქტიურ ადამიანებს, მაგრამ ეს იმას არ ნიშნავს, რომ აქტიური ადამიანი დეპრესიით არ დაავადდება.

როგორც უკანასკნელ წლებში ჩატარებულმა კვლევებმა აჩვენა, დეპრესია წარმოადგენს ერთ-ერთ ყველაზე უფრო მნიშვნელოვან ფაქტორს, რომელიც განსაზღვრავს გულ-სისხლძარღვთა სისტემის დაავადების განვითარებას და პროგნოზს , დღეისათვის ფიქრობენ, რომ იგი გაცდა ფსიქიატრიის ჩარჩოებს და შეიძლება განიხილოს, როგორც საერთო სამედიცინო პრაქტიკის პრობლემა.
თუმცა დეპრესიის დროს ადამიანები მაინც ფსიქოლოგთან ან ფსიქიატრთან გადიან კურსს.
მკურნალობა თითოეული პაციენტისთვის ინდივიდუალურია. ყველაზე ეფექტურია მკურნალობის სხვადასხვა მეთოდების კომბინაცია. ცალმხრივი, მხოლოდ ექიმის ან მხოლოდ ფსიქოლოგის მკურნალობა არ ამართლებს. აქ ყველაფერი უნდა იყოს მრავალმხრივი. აუცილებელია, როგორც მედიკამენტოზური, ასევე ფსიქოლოგიური და ფსიქოთერაპიული კურსი.

მნიშვნელოვანია ალბათ გვქონდეს სათანადო ინფორმაცია იმის შესახებ თუ რა არის დეპრესია? როგორ გამოიხატება? რა ფსიქოლოგიური მიზეზები თუ მექანიზმები უდევს მას საფუძვლად? და როგორ შეიძლება ვებრძოლოთ მას.
დეპრესიას ძალიან მრავალფეროვანი გამოვლინებები და გამომწვევი მიზეზები აქვს.

 
redlineთარიღი: სამშაბათი, 14.04.2009, 19:14 | შეტყობინება # 2
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
გამომწვევი მიზეზის მიხედვით არსებობს დეპრესიის ორი სახე:
ა)ფიზიოლოგიური ფაქტორებით გამოწვეული და
ბ)ფსიქოლოგიური ფაქტორებით გამოწვეული დეპრესია.

ფიზიოლოგიურად გამოწვეული დეპრესიის ანუ ენდოგენური დეპრესიის (იგივე მანიასკალურ-დეპრესიული ფსიქოზი, ახალი ტერმინოლოგიით - ბიპოლარული აშლილობა) გამომწვევი მიზეზები ცილდება ფსიქოლოგიის სფეროს და უფრო ბიოლოგიურია და ექიმებს ეხება .ეს მდომარეობა გამოწვეულია თავის ტვინში გარკვეული ნივთიერებების დისბალანსით, რომლებიც ნერვული იმპულსების გადაცემაში მონაწილეობენ. ბიპოლარული აშლილობისთვის დამახასიათებელი სიმპტომებია: (კერძოდ დიდი დეპრესიული, მანიაკალური და ჰიპომანიაკალკური ეპიზოდებისთვის)

 
redlineთარიღი: სამშაბათი, 14.04.2009, 19:15 | შეტყობინება # 3
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
დიდი დეპრესიული ეპიზოდის სადიაგნოსტიკო კრიტერიუმები

- ქვემოთ მოყვანილი 5 ან მეტი სიმპტომი უნდა იყოს წარმოდგენილი არანაკლებ ორი კვირის განმავლობაში. აუცილებელია ორიდან ერთერთის: დაქვეითებული გუნება-განწყობის ან ინტერესების ნაკლებობის არსებობა.
შენიშვნა: აუცილებელია გამოირიცხოს ზოგადი ჯანმრთელობის მდგომარეობით გამოწვეული გუნება-განწყობის დარღვევები.
1. დაქვეითებული გუნება-განწყობა მთელი დღის განმავლობაში, თითქმის ყოველდღე, რაც შეიძლება დადგინდეს როგორც თავადვე პაციენტის პირადი ჩივილით (სიცარიელის, სევდის შეგრძნება) ასევე გარშემომყოფთა დაკბირვების შედეგად (ხშირი ტირილი). ბავშვებში და მოზარდებში სევდის მაგიერ შესაძლოა ჭარბობდეს გაღიზიანებადობა.
2. ინტერესების შემცირება და სიამოვნების განცდის უნარის დაქვეითება ყველაფერში ან თითქმის ყველაფერში. ასევე მთელი დღის განმავლობაში, თითქმის ყოველდღე.
3. ცვლილებები წონასა და მადაში: მომატება ან დაკლება. იმის გათვალისწინებით რომ პაციენტი მიზანდასახუად არ იცავს რაიმე დიეტას. ბავშვებში ეს შეიძლება გამოიხატებოდეს ასაკის მიმართ შეუსაბამო წონის მომატება/დაკლებაში.
4. უძილობა ან ჭარბი ძილიანობა თითქმის ყოველდღე.
5. ფსიქომოტორული (მოძრაობითი) შენელება ან პირიქით აჩქარება/აგზნება. ამის შესახებ დასკვნა არამხოლოდსუბიექტური შეგრძნებებით, არამედ გარშემომყოფთა დაკვირვების საფუძველზე უნდა გაკეთდეს.
6. დაღლილობა და ენერგიეს ნაკლებობა თითქმის ყოველდღე.
7. თითქმის ყოველდღიური საკუთარი უვარგისობის, არარაობის და ბრალეულობის გადაჭარბებული შეგრძნება.
8. აზროვნებისა და ყურადღების კონცენტრიტრების გაძნელება.
9. სუიციდალური აზრები, ფიქრები სიკვდილისწ შესახებ (მაგრამ არა სიკვდილის შიში).

პ.ს.აღებულია ამერიკელ ფსიქიატრთა ასოციაციის ფსიქიურ აშლილობათა სადიაგნოსტიკო ცნობარიდან .

- სიმპტომები იწვევს მნიშვნელოვან სტრესს, ხელს უშლის ადამიანს ნორმალურ ყოველდღიურ ცხოვრებაში და ფუნქციონირებაში.
- სიმპტომები არაა გამოწვეული რაიმე ნივთიერებების (მედიკამენტების, ნარკოტიკების) უშუალო ზემოქმედებით.
სიმპტომები არ უნდა იყოს გამოწვეული დანაკარგით. მაგალითად, ახლობლის გარდაცვალებით, ან საყვარელ ადამიანთან დაშორებით.

 
redlineთარიღი: სამშაბათი, 14.04.2009, 19:15 | შეტყობინება # 4
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
მანიაკალური ეპიზოდის სადიაგნოსტიკო კრიტერიუმებია:
- ცალკეული, მინიმუმ 1 კვირიანი პერიოდი, რომლის დროსაც ადგილი აქვს უჩვეულოდ, მუდმივად აწეულ, უკონტროლო ან/და გაგიზიანებულ გუნება-განწყობას.
ბ. აღნიშნული პერიოდის განმავლობაში ქვემოთჩამოთვლილიდან წარმოდგენილი უნდა იყოს მინიმუმ 3 სიმპტომი.
1. ჭარბადდადებითი თვითშეფასება ან საკუთარი თავის გრანდიოზულობის განცდა.
2. ძილის დაქვეითებული მოთხოვნილება (მაგ. 3 საათი დღე-ღამეში).
3. პაციენტი ჩვეულებრივზე უფრო ენაწყლიანია აქვს ლაპარაკის მუდმივი მოთხოვნილება
4. აზროვნების აჩქარება (ფლიგჰტ ოფ იდეას). აზრების სწრაფი ცვლის სუბიექტური შეგრძნება.
5. დაბნეულობა. პაციენტი ადვილად ერთვება ერთი გამღიზიანებლიდან მეორეზე.
6. აქტიური მიზანმიმართული მოქმედება (სოციალური, სამუშაო/სასწავლო ან სექსუალური კუთხით) ან ფსიქომოტორული (მოძრაობითი) აგზნება.
7. ჭარბი აქტიურობა სიამოვნების მომნიჭებელ საქმიანობაში.
- გუნება-განწყობის დარღვევა საკმარისად მძიმეა იმისთვის, რომ ხელი შეუშალოს დამიანს ყოველდღიურ საქმიანობაში.
- გუნება-განწყობის დარღვევა არაა დაკავშირებული რაიმე ნივთიერებების (მედიკამენტების, ნარკოტიკების) მიღებასთან.
 
redlineთარიღი: სამშაბათი, 14.04.2009, 19:16 | შეტყობინება # 5
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
ჰიპომანიაკალური ეპიზოდის სადიაგნოსტიკო კრიტერიუმები
მსგავსია მანიაკალური ეპიზოდისა იმ განსხვავებით, რომ ამ შემთხვევაში სიმპტომები შედარებით ნაკლები ინტენსივობითაა გამოხატული და გრძელდება მინიმუმ 4 დღე.
 
redlineთარიღი: სამშაბათი, 14.04.2009, 19:16 | შეტყობინება # 6
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
დისთიმიური აშლილობის სადიაგნოსტიკო კრიტერიუმები

ა. დაქვეითებული გუნება-განწყობა მთელი დღის უმეტეს ნაწილში, რომელიც გრძელდება არანაკლებ 2 წელიწადისა. მოზარდებში და ბავშვებში შეიძლება იყოს არანაკლებ 1 წლისა.
ბ. ქვემოთჩამოთვლილი სიმპტომრბიდან მინიმუმ ორის არსებობა დაქვეითებულ გუნება-განწყობასთან ერთად:
1. დაქვეითებული ან პირიქით მომატებილი მადა.
2. უძილობა ან ჭარბი ძილიანობა.
3. ენერგიის ნაკლებობა ან დაღლილობა.
4. დაქვეიტებული თვითშეფასება
5. ყურადღების კონცენტრირების და გადაწყვეტილებების მიღების გაძნელება
6. უიმედობის განცდა.
გ. ა. და ბ. პუნქტებში მოყვანილი სიმპტომები აღინიშნება მთელი 2 წლიანი (მოზარდებისა და ბავშვებისთვის 1 წლიანი) პერიოდის განმავლობაში. დასაშვებია სიმპტომებისგან თავისუფალი პერიოდი არაუმეტეს 2 თვისა.
დ. აღნიშნულ 2 წლიან პერიოდში ადგილი არ ქონია დიდ დეპრესიულ ეპიზოდს
ე. არ ქონია ადგილი მანიაკსლურ ან ჰიპომანიაკალურ ეპიზოდს და კრიტერიუმები არ ემთხვევა ციკლოთიმიურ აშლილობას (იხ. ქვევით).
ვ. მოყვანილ სიმპტომებს თავი არ უჩენიათ რაიმე ფსიქოზური აშლილობის (მაგალითად შიზოფრენიის) ფონზე.

 
redlineთარიღი: სამშაბათი, 14.04.2009, 19:16 | შეტყობინება # 7
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
ციკლოთიმიური აშლილობის სადიაგნოსტიკო კრიტერიუმები

ა. მინიმუმ 2 წლიანი (მოზარდებისა და ბავშვებისთვის 1 წლიანი) პერიოდი რომლის განმავლობაში ადგილი აქვს არაერთ ჰიპომანიაკალურ ეპიზოდს (იხ. თემის საწყისი პოსტი) და ასევე არაერთ დეპრესიულ სიმპტომს, რომელიც არ ემთხვევა დიდ დეპრესიულ ეპიზოდის კრიტერიუმებს.
ბ. სიმპტომთაგან თავისუფალი პერიოდი აქაც შეადგენს არაუმეტეს 2 თვისა.
გ. 2 წლიანი პერიოდის გამნაბლობაში ადგილი არ ქონია დიდ დეპრესიულ , მანისკალურ ან შერეული ტიპის ეპიზოდებს.
დ. ზემოთნახსენები სიმპტომები არ ვითარდება შიზოფრენიის ან შიზოაფექტური აშლილობის ფონზე.

 
redlineთარიღი: სამშაბათი, 14.04.2009, 19:16 | შეტყობინება # 8
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
ჩვენ თვითონ დეპრესიას შეგვიძლია ვებრძოლოთ ქვემოთ ჩამოთვლილების მიხედვით:
1)ვისწავლოთ სწორად კვება,მივიღოთ საჭირო რაოდენობის ვიტამინები,ვიკვებოთ სწორად,მივიღოთ საჭირო ზომის ულუფები და ვეცადოთ ერთიდაივივე დროს მივირთვათ
2)მოვიწესრიგოთ ძილი.თუ ძილის ციკლი დარღვეული გვაქვს,ეს უკვე სტრესზე და დეპრესიაზე მიუთითებს,შევეცადოთ ერთიდაიგივე დროს დავწვეთ და ავდგეთ.დავიცვათ ძილის რეჟიმი.
3) შეგვიძლია დეპრესიის დასაძლევად ცეკვა-თერაპია გამოვიყენოთ.ვიცეკვოთ ბევრი ,ცეკვის დროს ჩვენი ემოციები თუ უარყოფითი ენერგია გამოიდევნება და გვშველის გუნება-განწყობილების ამაღლებაში.
4) ჩვენს თავს გავუკეთოთ სიურპრიზები,ცხოვრებაში შევიტანოთ სიახლეები.მაგ:საყიდლებზე წასვლა,რაიმე ახალი ნივთის შეძენა და ა.შ.
5)ვისეირნოთ სუფთა ჰაერზე,გავიდეთ სახლიდან ცოტა ხნით მაინც.შეგვიძლია ჯერ 10-15 წუთის განმავლობაში ვისეირნოთ,შემდეგ გავზარდოთ დრო და დაახლ.1 საათი ვისეირნოთ.თუ შესაძლებლობა გვაქვს უფრო დიდხანსაც.
 
ფორუმი » ზოგადი » ფსიქოლოგის კონსულტაცია » რამდენიმე სტატიის,გამოხმაურების ნაკრები
  • გვერდი 1 დან
  • 1
ძებნა:

RSS

შესვლის ფორმა

სტატისტიკა

baner

Бесплатные медицинские книги

call me

My status