ხუთშაბათი, 28.03.2024, 22:23
მოგესალმები სტუმარი | რეგისტრაცია | შესვლა

medic

სალმონელოზი და სტაფილოკოკური კვებითი მოშხამვები - ფორუმი

[ ახალი შეტყობინებები · მონაწილეები · ფორუმის წესები · ძებნა · RSS ]
  • გვერდი 1 დან
  • 1
ფორუმი » ზოგადი » ინფექციური დაავადებები » სალმონელოზი და სტაფილოკოკური კვებითი მოშხამვები
სალმონელოზი და სტაფილოკოკური კვებითი მოშხამვები
redlineთარიღი: ორშაბათი, 27.04.2009, 17:38 | შეტყობინება # 1
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
სალმონელოზი მწვავე ინფექციური დაავადებაა, რომელსაც იწვევს სალმონელას გვარის ბაქტერიებით ინფიცირებული საკვების მიღება. სალმონელოზური კვებითი ტოკსიკოინფექციები მთელს მსოფლიოში ფართოდ გავრცელებული დაავადებებია. მათი გამომწვევი სალმონელები სხვადასხვა ცხოველებისა და ფრინველების (განსაკუთრებით შინაურის) პარაზიტებს წარმოადგენენ. ცხოველებში ინფექცია სხვადასხვაგვარად მიმდინარეობს. არაიშვიათად ინფექციის გამომწვევის მოხვედრა ხდება ცხოველის კუნთებში, ხოლო ფრინველებში კი უფრო ხშირად _ კვერცხში.

ადამიანის დაავადება ხდება ძირითადად დაინფიცირებული ხორციანი საკვებით, ასევე ფრინველის კვერცხითა და მისი შემცველი პროდუქტებით (კვერცხის ფხვნილით, კვერცხის მაიონეზით და სხვ.), უფრო იშვიათად კი _ რძით. ბაქტერიები ხორცში შეიძლება მოხვდეს როგორც ცხოველის სიცოცხლეშივე, ასევე დაკვლის რეჟიმის დარღვევისას, ცხოველის ფეშხვის ტრანსპორტირებისა და შენახვის წესების შეუსრულებლობის, უმი და მოხარშული ხორცის ერთი და იგივე დაფაზე დამუშავე­ბისას, მზა პროდუქტების შენახვის წესების დარღვევისას.

სალმონელები საკმაოდ გამძლე ბაქტერიებია, განსაკუთრებით საკვებ პროდუქტებში. საკმარისია ითქვას, რომ დასნებოვნებული ხორცის 400 გრამზე მეტი წონის ნაჭრების 2,5 საათი ხარშვისას სალმონელები არ იღუპებიან. 10-15%-იანი მარილხსნარში 2-3 თვე ინახებიან, ხოლო კარაქში 4 თვემდე.

სალმონელოზის დროს ინკუბაციური პერიოდი საშუალოდ 12-24 საათია. დაავადება იწყება უეცრად შემცივნებით და ტემპერატურის მომატებით. ავადმყოფს თავიდანვე აწუხებს გულისრევა, ღებინება, მუცლის ტკივილი, ფაღარათი.

 
redlineთარიღი: ორშაბათი, 27.04.2009, 17:39 | შეტყობინება # 2
Admin
ჯგუფი: Администраторы
შეტყობინებები: 1214
ჯილდოები: 13
რეპუტაცია: 102
სტატუსი: Offline
სალმონელების გარდა კვებითი მოშხამვები შეიძლება გამოიწვიოს სტაფილოკოკებმა. ინფექციის წყარო ჩვეულებრივ ადამიანია კანის ჩირქოვანი დაავადებებით (უხშირესად ხელის თითების). თუ ასეთი ადამიანი დაკავშირებულია საკვების დამზადებასა და განაწილებასთან, შეიძლება მოხდეს პროდუქტების დასნებოვნება. არ არის გამორიცხული მოშხამვა მასტიტით დაავადებული ძროხების რძის საკვებად გამოყენებისას. სტაფილოკოკები კარგად მრავლდებიან ნახშირწყლოვან (შაქარი) და ცილოვან (რძე, ხორცი) საკვებში. ამიტომაც განსაკუთრებით საშიშია შაქრის შემცველი რძის პროდუქტებით დასნებოვნება (კრემი, კრემიანი ნამცხვრები, ნაყინი და სხვ.). შეიძლება მოშხამვა გამოიწვიოს რძის, ხაჭოს, არაჟნის, ყველის, ხორცის პროდუქტებმა და ზეთში დაკონსერვებულმა თევზმა. აღსანიშნავია, რომ სტაფილოკოკებით დაბი­­­ნძურებული საკვები პროდუქტები გარეგნულად, სუნით და გემოთი არ გამოირჩევა ვარგისი საკვებისაგან.

კვებითი მოშხამვების მიზეზი შეიძლება იყოს სხვა მიკრობებიც: ბოტულიზმის და პერფრინგენსის კლოსტრიდიები, ბაცილუს ცერეუსი, ეშერიხიები (ნაწლავის ჩხირები), პროტეუსისა და კლებსიელას გვარის მიკრობები და სხვა.

კვებითი მოშხამვების თავიდან ასაცილებლად განსაკუთრებულ მნიშვნელობას იძენს მოსახლეობის მიერ ჰიგიენური წესების გათვალისწინება და მუდმივი შესრულება:
სისუფთავე საჭმელის დამზადებისას და მისი სათანადო შენახვა ერთ-ერთი უმნიშვნელოვანესი ფაქტორია საკვების მაღალი ხარისხისა და უსაფრთხოებისათვის;
პროდუქტების შესანახად უნდა ისარგებლოთ მაცივრით;
მოხარშული და შემწვარი პროდუქტები უნდა ინახებოდეს დახურულ ჭურჭელში, ცალკე უნდა იყოს გამოყოფილი უმი პროდუქტების შესანახი ადგილი;
ნაყიდი პროდუქტები უნდა შეახვიოთ ან ჩადოთ პოლიეთილენის პაკეტებში;
სალათები უნდა შეიკაზმოს მაიონეზით ან არაჟნით უშუალოდ სუფრაზე გატანის წინ, რადგან მათში ბაქტერიები კარგად მრავლდებიან;
დიასახლისებმა განსაკუთრებული ყურადღება უნდა მიაქციონ ხელების სისუფთავეს, ცნობილია, რომ ხელების ორჯერადი დაბანა საპნით მიკროორგანიზმების რაოდენობას 90%-ით ამცირებს. ხელები უნდა დაიბანოთ საჭმლის მომზადების წინ, მოხარშული ან შემწვარი პროდუქტების დამუშავებამდე და აუცილებლად საპირფარეშოს შემდეგ;

· სამზარეულოს მთელი მოწყობილობა და ჭურჭელი საჭმლის მომზადების შემდეგ გულმოდგინედ უნდა გაირეცხოს ჯერ თბილი წყლით, შემდეგ დაიმდუღროს და გამშრალდეს. ხორცსაკეპი მანქანა უნდა დაიმდუღროს ხმარებამდეც;

· უმი და მოხარშული პროდუქტებისათვის (ცალ-ცალკე ხორცის, თევზისა და ბოსტნეულისათვის) უნდა იყოს სხვადასხვა დასამუშავებელი დაფები ან ერთი დაფის სხვადასხვა მხარე;
დაფები და მაგიდა ყოველდღიურად საჭმლის მომზადების შემდეგ უნდა გაიწმინდოს, გაირეცხოს თბილი წყლით, დაიმდუღროს და გამშრალდეს;
საჭმლის მოსამზადებლად უმჯობესია გამოყენებული იქნას უჟანგავი ფოლადის, ალუმინის ან მომინანქრებული ჭურჭელი. ამასთანავე თავი უნდა შეიკავოთ ალუ­მინის ჭურჭელში საჭმლის დიდი ხნით შენახვისაგან.

თითქოს არ არის ძნელი ამ საკმაოდ მარტივი წესების დაცვა, მათი შესრულება კი ჩვენი და ჩვენი შვილების ჯანმრთელობის საწინდარია.

დაავადებათა კონტროლის ეროვნული ცენტრი

 
ფორუმი » ზოგადი » ინფექციური დაავადებები » სალმონელოზი და სტაფილოკოკური კვებითი მოშხამვები
  • გვერდი 1 დან
  • 1
ძებნა:

RSS

შესვლის ფორმა

სტატისტიკა

baner

Бесплатные медицинские книги

call me

My status