საგულისხმოა, რომ მცდარია ის მოსაზრება რომ თითქოს ვისაც ციკლი არ დაწყებია ვერ დაორსულდება. ეს მოსაზრება მცდარია, იმიტომ რომ გოგონას ოვულაცია ექნება მანამდე სანამ პირველად ექნება სისხლდენა. რაც იმას ნიშნავს, რომ პერიოდის დადგომამდე რაღაც გარკვეულ, გაუცნობიერებელ, მომენტში მას მიდრეკილება აქვს და შეუძლია დაორსულდეს და გააჩინოს, ამიტომ რისკი საკმაოდ მაღალი რჩება მათთვისაც კი ვისაც ციკლი საერთოდ არ ჰქონია. ასევე ადრეული სექსუალური აქტივობა არაბუნებრივად აჩქარებს პერიოდის დადგომის დროს, რასაც შეიძლება თან სდევდეს გართულებები, მათ შორის ციკლის რეგულარობის ჩამოყალიბების პროცესშიც.
როდესაც ქალი დაფეხმძიმდება, მისი თვიური ციკლი უმეტეს შემთხვევებში წყდება ორსულობის მთელი პერიოდის განმავლობაში. ამიტომ, თუ ქალს პერიოდი გაუცდა ეს არის სავარაუდო, თუმცა არა აუცილებელი, ნიშანი იმისა რომ ქალი ორსულადაა. ორსულობის უტყუარი დადასტურება შეიძლება მარტივი შარდის ტესტით ან სისხლის ანალიზით.
ცოლ-ქმრულ წყვილებს ზოგჯერ შეუძლიათ გამოცდილებიდან “ისწავლონ” როდის დგება ციკლის ნაყოფიერი და არანაყოფიერი ფაზები და შესაბამისად თავი შეიკავონ სექსისაგან ნაყოფიერი ფაზის დროს, თუ სურთ რომ ორსულობა იქნას აცილებული. თუმცაღა აქ ცდომილებები სავსებით მოსალოდნელია და ორსულების აცილების გარანტია ვერ იქნება ციკლის “გამოცნობა” (დამატებითი ინფორმაცია იხ. ორსულობის თემაში).
რაც შეეხება ჰიგიენურ პაკეტებს, ისინი უნდა შეიცვალოს იმ სიხშირით როგორც საჭიროა, მაგრამ აუცილებლად მანამდე სანამ გაჯერდება მენსტრუაციული სისხლით. ტამპონების გამოყენების შემთხვევაში, მიზანშეწონილია მინიმალური შემწოვობის ტამოპონები იყოს გამოყენებული ნაკლებად ინტენსიური სისხლდენის დღეების განმავლობაში რაც ორგანიზმს უკეთ ესადაგება (დამატებითი ინფორმაცია იხ. თემაში: ორსულობის შემდგომ პერიოდში ქალის სხეულში მიმდინარე ცვლილებები და ხელშეწყობა).
მენსტრუაციული ციკლის ზოგიერთ ფაზაში ორგანოების დაზიანების ალბათობა ფიზიკური ვარჯიშის დროს შეიძლება გაიზარდოს. მიჩიგანის უნივერსიტეტის კველევის თანახმად (გამოქვეყნებული 1998 წელს) რომელშიც 401 მენსტრუაციული ასაკის ქალი მონაწილეობდა ტრავმვების დიდი ნაწილი ჩამოყალიბდა ოვულაციური ფაზის დროს, ე.ი. ციკლის შუაში. თუმცაღა სამეცნიერო კვლევები არ იძლევა იმის დაზუსტებით მტკიცების საშუალებას რომ ფიზიკური ვარჯიში აუცილებელია არიდებულ იქნას, გამომდინარე მენსტრუაციული ციკლის მიმდინარე ფაზიდან, და ზოგიერთი კვლევა პირიქით ვარჯიშების სარგებლიანობაზეც კი მიუთითებს.
მოამზადა ნინიმ
http://www.reprodjan.bravehost.com/momcifebas.htm